Ka Akamutu Ainei Koe?

Me piri tatou ki roto i te angaanga orometua, e mea matau na tetai au papuritia i te akamutu i ta ratou angaanga i te taime tei akatakaia, penei i te tuaero. E tika, no te turanga o tetai pae, ka anoanoia ratou kia akamutu i te ora tei akatakaia no ratou. Inara, ka akamutu ainei koe no tei akaruke tetai pae i roto i te pupu, me kore e peu matau i toou ngai i te akamutu i te taime tei akatakaia? Ka rauka ainei ia koe i te akaroa atu i toou taime i roto i te angaanga orometua no tetai nga miniti ua, kia rauka ia koe i te piri ki te akakitekite anga i te pae mataara? Ka rauka ainei ia koe i te oki akaou i te atoro e tai me kore e rua tangata, ia koe e oki ra ki te kainga? Akamanako ana i te meitaki ka rauka mai me aravei koe i tetai tangata i te kainga tei akaari i te inangaro, me kore te oronga anga koe i tetai nga makatini ki tetai tangata ka na te pae mai ia koe! Me kare tatou e anoanoia kia akamutu, ka mama ua i te noo roa atu no tetai nga miniti, i te akamaata atu i ta tatou ‘atinga akameitaki.’​—Ebe. 13:15.