Akamaata Atu i to Tatou Karape i te Tutu Aere​—Taangaanga Meitaki i te Uianga

TUMU I PUAPINGA AI: Mei “te manako i roto i te ngakau tangata, mei te moana ïa,” na roto i te uianga, e kitea ai e tatou te manako o te tangata. (Mase. 20:5) Tauturu te uianga ia tatou kia kite eaa te manako o te pu ngutuare. Tauturu tana pauanga ia koe kia kite akapeea me tauturu i te pu ngutuare. Kua taangaanga meitaki a Iesu i te au uianga. Akapeea tatou me aru i tona akaraanga?

PEEA ME RAVE I TE REIRA:

• Ui i te uianga kia kite eaa tona manako. Kua ui a Iesu i te au uianga meitaki kia kite eaa ta te au pipi i mārama. (Mata. 16:13-16; be-E 238 ¶3-5) Eaa taau uianga ka ui koe?

• Ui akaou i tetai uianga. Kua ui a Iesu i te au uianga kia tauturu ia Petero kia akamanako i tana pauanga. (Mata. 17:24-26) Eaa taau uianga ka ui ei tauturu i te pu ngutuare kia kite i tana pauanga?

• Akameitaki iaia. Kite anga a Iesu e kua “tuatua-tika,” te tata tuatua kua akameitaki a Iesu iaia. (Mare. 12:34) Akapeea tatou me akameitaki i te pu ngutuare?

AKARA I TE TUANGA MUA O TE VITIO RAVE I TA IESU ANGAANGA—APIIANGA, E OTI URIURI I TEIA AU UIANGA:

• Noatu kua tano te manako, eaa te tumu kare teia i te akaraanga meitaki?

• Eaa te tumu ka anoanoia tatou kia akamārama meitaki i ta tatou e apii ra?

AKARA I TE TUANGA RUA O TE VITIO, E OTI URIURI I TEIA AU UIANGA:

• Eaa te uianga ta te taeake i ui kia kite eaa te manako o te tangata apii?

• Eaa te au tu apiianga a te taeake ka aru tatou?