Te Akara Ainei ra Koe i to te Atua au Tu?

Me akara koe i te au tiare manea, te au etu i te po, me kore tetai vai marere, te kite ra ainei koe i te mana o Tei Anga i te reira? Ka kite tatou i to Iehova au tu i roto i te au mea takapini ia tatou. (Roma 1:20) Me akamanako tatou no runga i ta tatou e kite nei, ka taka ia tatou to Iehova mana, aroa, kite pakari, tona tu tau e pera te takinga meitaki.—Salamo 104:24.

Eaa tetai au mea ta Iehova i anga e kite ana koe i te au rā? Me e noo ana koe i roto i tetai oire maatamaata, penei ka kite koe te au manu e te au pu rakau. Me akamanako tatou no runga i te au mea ta Iehova i anga, ka iti mai to tatou apiapi, ka iti mai te manamanata, ka maata to tatou akarongo e ka akono a Iehova ia tatou e mutu kore ua atu. (Mata. 6:25-32) Me e tamariki taau, apii ia ratou kia kite i to Iehova au tu i roto i tana au mea i anga. Me kite tatou i te umere o te au mea i angaia, ka rauka ia tatou te akavaitata atu ki Tei Anga i te reira.—Sala. 8:3, 4.

AKARA I TE VITIO AU MEA I ANGAIA E AKAKĀKĀ RA I TE ATUA—MARAMA E TE KARA, E OTI E PAU I TEIA AU UIANGA:

• Akapeea i tukeke ei te au kara ta tatou e kite nei?

• Akapeea tetai au kara i kanapanapa ai?

• Eaa i tukeke ei te au kara i runga i te rangi?

• Eaa te au kara manea taau e kite ana i toou kainga?

• Eaa tatou ka akara matatio ei i te au mea i angaia?