Apiianga Mei to Samuela Oraanga

Kua vai tiratiratu ua rai a Samuela kia Iehova i roto i tona oraanga. Mei tona tamariki anga, kua patoi aia i te rave kino mei te nga tamaroa rai a Eli, ko Hophini e Phinehaza. (1 Samu. 2:22-26) Tupu ua atura a Samuela, e kua vaitata ua rai a Iehova kiaia. (1 Samu. 3:19) Ei tangata ruaine, kua aaere ua rai aia ma Iehova, noatu kare tana nga tamaroa i aru iaia.—1 Samu. 8:1-5.

Eaa ta tatou ka apii mai mei to Samuela akaraanga? Me e mapu koe, e irinaki e kua mārama a Iehova i toou au taitaia e i toou manako. Ka tauturu aia ia koe kia ngakau toa. (Isa. 41:10, 13) Me e metua koe e kare taau tama e tavini ana ia Iehova, mea pumaana i te kite e kare a Samuela i māro ana i tana nga tamaroa kua pakari, kia kauraro ki ta Iehova au kaveinga. Na te akaruke anga i tona au taitaia kia Iehova, kua vai tiratiratu ua rai aia e kua mareka tona Metua i te rangi, ko Iehova. Penei ka riro toou akaraanga i te akakeu i taau tama kia oki mai kia Iehova.

AKARA I TE VITIO APII MEI IA RATOU—SAMUELA, E OTI PAU I TEIA AU UIANGA:

• 

  Akapeea a Samuela te akaari anga i te tu ngakau toa i tona tamariki anga?

• 

  Akapeea a Danny te akaari anga i te tu ngakau toa?

• 

  Akapeea a Samuela te akanoo anga i tetai akaraanga meitaki i tona ruaine anga?

• 

  Akapeea to Danny nga metua te akanoo anga i tetai akaraanga meitaki?