Oraanga Tinamou—Inangaroia e te Katoatoa
Eaa te tu oraanga taau e anoano ra no te tuatau ki mua? Papu te inangaro ra koe i tetai oraanga tinamou noou uaorai e te pamiri—te mataora, meitaki i te pae kopapa, te ‘au, e te puapinga.
E maata te tangata te ekoko ra me ka tupu rai te oraanga tinamou. Kua kite ratou i te au tumatetenga manako koreia—mei te maki kino COVID-19—tei takinokino i te tangata, puapinga kore te turanga moni, tupu atura te mate. Kare e akara anga e ka rauka te oraanga tinamou.
Noatu eaa te tu, te kimi nei te tangata i tetai ravenga kia rauka te oraanga meitaki atu. Irinaki tetai pae i te au ririnui kitea koreia mei te kimi manuia. E manganui te aruaru ra i te turanga apii e te apinganui, te manako anga e ka rauka ta ratou e inangaro ra. Te manako ra tetai pae e me e tangata meitaki koe ka rauka te oraanga meitaki.
Ka taki ainei teia au ravenga ia koe ki tetai oraanga meitaki? Akara e e akamanako i teia au uianga:
Na teaa e akapapu i tetai oraanga tinamou noou?
Na te turanga apii e te moni ainei e raukaʼi te oraanga meitaki atu?
Na te tu meitaki ainei o te tangata e raukaʼi te oraanga tinamou?
Ka kitea te arataki anga papu no te oraanga tinamou kiea?
Na Te Punanga Tiaki e tauturu ia koe kia kitea te au pauanga.