Akaari i te tu Āriki Rekareka i to Iehova tu Oronga Ua

E ATUA oronga ua a Iehova. (Iakobo 1:17) Te kite ra tatou i tona tu oronga ua i roto i tana au mea ravarai i anga. Kua akaki aia i te vananga ki te au etu, e kua tapoki aia i te enua ki te au rakau ruperupe.—Salamo 65:12, 13; 147:7, 8; 148:3, 4.

Kua akameitaki tikai tei tata ia Salamo 104 ia Iehova no tana au mea i anga, no reira aia i tata ai i tetai imene ei akapaapaa iaia. Me tatau koe i te reira salamo, te akameitaki ra ainei koe i te Atua mei ta te tata salamo rai? Karanga aia e: “Te ora nei au ra, ka imene rai au kia Iehova; te vai nei au ra, ka imene akameitaki au i taku Atua.” (Salamo 104:33) Te inangaro ra ainei koe kia pera?

TE AKARAANGA MAATA RAVA ATU O TE TU ORONGA UA

Te inangaro ra a Iehova ia tatou kia aru i tona tu oronga ua. E te oronga maira aia i te au tumu meitaki no te oronga ua. Kua akauru aia i te apotetoro ko Paulo kia tata: “E ako atu i te aronga apinga maata i teianei ao, eiaa ei ngakau teitei, eiaa oki e irinaki i te apinga maata mou kore, ei te Atua ora ra, ko tei oronga ua mai i te au mea katoa nei ei rave anga na tatou; Kia takinga-meitaki ratou, e kia apingaia ra i te angaanga meitaki ra, kia maata atu ïa ia ratou kia oronga aere, kia tau i te uipa; I te akaputu marie anga i te meitaki tumu no ratou uaorai a muri atu, kia rave ratou i te ora mutu kore.”—1 Timoteo 6:17-19.

I te rua o tana reta ki to Korinetia, kua akamārama a Paulo i te tumu ka oronga ai tatou ki tetai atu. Karanga aia e: “E oronga te tangata ravarai i tana i akakoro i roto i tona ngakau; eiaa ma te noinoi, e mei te mea e no te umuumu: ko te tangata oronga ma te rekareka ta te Atua e inangaro.” (2 Korinetia 9:7) Koai ma ta tatou ka tauturu me oronga ua tatou? Karanga a Paulo e ka tauturu tatou i tetai ke na te oronga anga i tei anoanoia e ratou, inara ka tauturu katoa tatou ia tatou uaorai no te mea ka akameitaki mai a Iehova ia tatou.—2 Korinetia 9:11-14.

I reira, kua tuatua a Paulo no runga i te akapapu anga maata rava atu o to te Atua tu oronga ua te karanga anga aia: “E teianei, kia akameitakiia te Atua i tona oronga kare e tika kia tuatua ra.” (2 Korinetia 9:15) Te kapiti maira ta Iehova “oronga” anga aroa i te au mea meitaki tana e oronga maira na roto ia Iesu Mesia. Mei teaa atura te puapinga tikai o teia apinga aroa.

Akapeea tatou me akaari i to tatou tu akameitaki tikai kia Iehova e Iesu no ta raua i rave no tatou? Tetai mataara na te oronga ua anga i to tatou taime, maroiroi, e te au apinga pae kopapa ei akamori ia Iehova e te tauturu i tetai ke kia kite iaia. Ka rave tatou i teia noatu e maata ta tatou apinga me kore e iti ua.—1 Paraleipomeno 22:14; 29:3-5; Luka 21:1-4.

Akapeea Tetai Pae me Iki i te Tauturu i te Angaanga i te ao Katoa

Mei te au Kerititiano i te anere mataiti mua, e manganui i teia tuatau te akapae ra i tetai tuanga moni no te angaanga i te ao katoa e te tuku ra ki roto i te pia tauturu i ta ratou putuputuanga. (1 Korinetia 16:2) I te au marama tataki tai, ka tuku te au putuputuanga i te moni tauturu ki te opati o te Au Kite o Iehova te akono ra ia ratou. Ka rauka katoa ia koe i te tuku tika atu i te moni tauturu ki te akaaerenga akamanaia a te Au Kite o Iehova i toou enua. E kitea ai te ingoa o te reira akaaerenga, e aere ki te www.pr2711.com ine e tata atu me kore e ringi atu i te opati o te Au Kite o Iehova i toou ngai. E tuku i te moni tauturu na teia au mataara:

MONI TAUTURU E TE APINGA ORONGA UA

Au moni tauturu na roto i te tuku anga uira a te pangika, debit card, me kore credit card. I tetai au enua ka rauka katoa ia koe te oronga moni tauturu na roto i te jw.org me kore tetai atu website.
Au moni tauturu, moni toka e te pepa, apinga akamanea, me kore tetai atu au apinga oko maata. E tuku mai i tetai reta akamārama anga e kare e arairai anga o te moni toka e te pepa me kore te apinga tauturu.

AU MONI TAUTURU MA TE AU ARAIRAI ANGA

Au moni tauturu, moni toka e te pepa ma te arairai anga e kia akaokiia atu me anoanoia te reira.
E tuku mai i tetai reta akamārama anga e au arairai anga tetai ki te moni tauturu.

RAVENGA KE ATU NO TE ORONGA MONI TAUTURU

Tei akapapaia i raro ake, e au mataara ke atu te ka rauka ia koe i te oronga moni tauturu ei turu i te angaanga tutu aere i te ao katoa. I mua ake ka oronga ai i te moni tauturu, e tata me kore e ringi atu i te opati manga i toou enua e kitea ai eaa te au moni tauturu te ka ārikiia i toou ngai. Kare te au umuumu anga ture e te au ture tero e aiteite ana i te au ngai ravarai, no reira e ui ki tetai tei kite i te au ture i mua ake ka tuku mai ei i te moni tauturu.

Insurance: Me e life insurance policy ta tetai tangata me kore e moni akangaroi e te moni pakari, ka rauka iaia i te tuku i tetai moni tauturu na te tuku anga i te ingoa o tetai akaaerenga akamanaia a te Au Kite o Iehova kia koʼi.

Akapapaanga Puka Pangika: Tei runga ua i te au umuumu anga a te pangika i toou ngai, ka rauka i tetai tangata i te akanoo i tetai puka pangika, pepa tuku anga moni, me kore tetai papaanga akangaroi anga ei reta koreromotu. Ka rauka iaia i te akataka e na tetai akaaerenga akamanaia a te Au Kite o Iehova e koʼi i te moni i muri ake i tona mate anga.

Stocks and Bonds: Ka rauka i tetai tangata i te oronga i tana stocks and bonds ki te akaaerenga akamanaia a te Au Kite o Iehova. Penei ka tata aia i tetai pepa tika anga kia tukuia teia i muri ake i tona mate anga.

Are e te Enua: Me e are e te enua to tetai tangata te ka rauka i te okoia ki vao, ka rauka iaia i te oronga mai i te reira ki tetai akaaerenga akamanaia a te Au Kite o Iehova. Me te noo ra aia ki roto i te are, penei ka rauka iaia i te noo ki reira e mate ua atu aia.

Oronga Anga Apinga Aroa i te au Mataiti: Ka rauka i tetai tangata i te oronga moni tauturu me kore moni akatinamouia ki tetai akaaerenga akamanaia a te Au Kite o Iehova e ka tata i tetai pepa tika anga kia koʼi i tetai manga moni i te au mataiti iaia e ora ra. Penei ka koʼi aia i tetai kiriti anga moni tero i te mataiti e oronga ai aia i teia moni tauturu.

Au Reo ‘Iku e te au Reta Koreromotu: Ka rauka i tetai tangata i te akanoo kia orongaia tana apinga me kore moni i muri ake i tona mate anga. Ka rauka iaia i te rave i teia na roto i tetai reo ‘iku akamanaia me kore tetai reta koreromotu e ka tuku aia i te ingoa o tetai akaaerenga akamanaia a te Au Kite o Iehova kia koʼi. Penei ka riro teia akanoonooanga kia puapingaia koe mei te moni tero.

Ka kitea e koe te akakiteanga maata atu akapeea me oronga i te moni tauturu ki te angaanga a te Au Kite o Iehova i te ao katoa i roto i te poroutia Charitable Planning to Benefit Kingdom Service Worldwide, tei akapapaia i te reo Papaa e te reo Paniora. E akakiteanga tetai i roto i te poroutia no runga i te au mataara ke ka rauka i tetai tangata i te oronga mai i te apinga aroa. Penei kare te au akakiteanga i roto i teia poroutia e tau ki toou turanga no te au ture tero me kore tetai atu au ture i toou enua. No reira i muri ake i te tatauanga i te poroutia, e uriuri koe i te reira ki toou tangata no te ture e te tero. E manganui te tangata tei turuturu i ta tatou angaanga i te ao katoa e kua puapingaia mei te moni tero na te oronga anga mai na roto i teia au mataara. Me ka rauka teia poroutia i toou enua, ka rauka ia koe i te pati i tetai kopi mei ko mai i te tekeretere o te putuputuanga i toou ngai.

No tetai akakiteanga maata, e tata me kore e ringi atu i te opati o te Au Kite o Iehova i toou ngai.