E Kino Ainei te Pere Moni?

Te Pauanga a te Pipiria

Noatu kare te Pipiria e taiku maata ana i te pere moni, ka mārama tatou i to te Atua manako i roto i te au kaveinga Pipiria e e kino te pere moni.​—Ephesia 5:​17.a

• Na te tu noinoi e akatere ra i te pere moni, e te makitakita ra te Atua i te reira. (1 Korinetia 6:​9, 10; Ephesia 5:3, 5) Ka inangaro te aronga pere moni kia ruti tona au oa i ta ratou moni, inara te akaapa ra te Pipiria me morimori te tangata i te apinga a tetai.​—Exodo 20:17; Roma 7:7; 13:​9, 10.

• Ka akakeu te pere moni i te noinoi kino noatu e manga ua taau ka pere.​—1 Timoteo 6:​9, 10.

• E irinaki ua ana te aronga pere moni i te peu purepure e te manuia. Inara, te karanga ra te Atua e e peu akamori itoro te reira, e kare e tau ana ki tana akamorianga.​—Isaia 65:11.

• Akamaroiroi te Pipiria kia angaanga pakari tatou e eiaa e anoano atu i te apinga a tetai. (Koheleta 2:​24; Ephesia 4:​28) Ka rauka i te aronga tei aru i te ako anga a te Pipiria kia angaanga e “ka kai ei i ta ratou uaorai kai.”​—2 Tesalonia 3:​10, 12.

• Ka akakeu te pere moni i te tu tarere, e kare te Pipiria e mareka ana i te reira.​—Galatia 5:​26.