Tataanga Rikiriki i Raro

b Te tuanga mua o Luka 23:34 kua akarukeia ki vao mei tetai au tataanga taito. Inara, no te mea te kitea ra teia au tuatua i roto i etai au tataanga akamanaia e manganui, kua kapitiia ratou i roto i te New World Translation e tetai atu au uri anga e maata te numero. I te akaraanga te tuatua ra a Iesu ki te au vaeau Roma tei tamate iaia. Kare ratou i kite i ta ratou e rave ra, kare i kite e koai tikai a Iesu. Penei kua manako aia i te au ngati Iuda tei inangaro kia tamateia aia inara kua akarongo ratou i muri maira. (Angaanga 2:36-38) Ae, ko te au arataki akonoanga tei akatupu i taua tamate anga kua apa maata tikai, no te mea kua kite oki ratou e kua akatupu i te tu makitakita. No te maata anga ia ratou, kare i tau te akakore anga i te ara.—Ioane 11:45-53.