Tataanga Rikiriki i Raro

c Te oronga maira te tataanga e rua akaraanga no te tu akangateitei kore. Tetai, te akakite taka ra te Ture e ko teea au tuanga o te atinga ta te kau taunga ka kai. (Deuteronomi 18:3) Inara i ko i te tapenakara, kua akanoo te kau taunga kino i tetai ravenga tuke takiri. Kua tono raua i to raua au tavini tauturu kia ko i tetai kokai maata ki roto i te pani e tunuia ra te kiko manu, i te rave mai i te au tuanga memeitaki! Tetai mea ke atu, me apai mai te tangata i ta ratou au atinga kia tauia ki runga i te atarau, ka tono te kau taunga kino i tetai tavini kia maro i te tangata nana te atinga, kia tuku mai i te kiko manu mata, i mua ake ka orongaia ai te tongaua o te atinga kia Iehova.​—Levitiku 3:3-5; 1 Samuela 2:13-17.