Au Uianga a te Aronga Tatau

Akapeea te ovi i roto i te kainga Edene i te akakite anga kia Eva i te manako kia aati i te ture a te Atua no te rakau tei kite i te meitaki e te kino ra?

Te akakite ra a Genese 3:1 e: “E pakari maata to te ovi i to te au manu katoa o te enua, i ta te Atua ra ta Iehova i anga ra; e kua tuatua maira aia ki te vaine, Koia ïa, kua tuatua mai te Atua e, Auraka korua e kai i to te au rakau katoa o te kainga nei?” E tuke tuke te au manako anga e i akapeea oki te ovi i te komunikeiti anga kia Eva. E okotai manako e kua rave ia te reira na roto i te akatutu kopapa anga me kare te au akatutu anga. Ei akaraanga, kua akakite mai te orometua Papaa ko Joseph Benson e: “I te akara anga maata penei e na roto te reira i te au akairo anga o tetai tu. E tikai, kua manako etai e ko te tumu e te manako ko te au tu ia tei kitea ia o te au ovi, . . . inara no te reira oki kare e akapapu anga.”

Inara, na te taangaanga anga i te akatutu kopapa ra, akapeea ra te ovi i te komunikeiti anga kia Eva i te manako e te kaianga i te ua rakau tei tureia e ka riro aia mei te Atua rai, te rauka anga i te iki i to te meitaki e i to te kino ra? Pera katoa, kua o atu a Eva ki roto i te puka anga, te pauanga i te ui anga tei ui ia mai e te ovi. (Genese 3:​2-5) Te manako anga e kua komunikeiti ua te ovi ma te au akairo me kare te akatutu kopapa anga te arataki atura ki te taopenga anga e kua pau atu a Eva na te taangaangaanga i te au akatutu anga, inara te karanga ra te Pipiria e kua tuatua aia.

Te taikuanga ki teia tupu anga, kua akamatakite te apotetoro ko Paulo i te au taeake Kerititiano: ‘Te mataku nei ra au, ko te akakinoia aea to kotou ngakau, mei ta te ovi i pikikaa atu ia Eva i tona pakari.’ Te kino ta Paulo e tuatua ra no ko mai i te ‘aposetolo pikikaa, e rave angaanga pikikaa ïa.’ Te akakino anga ta taua “au aposetolo mamaata” i oronga mai kare i kotinga ia ki te akatutu kopapa e te au akatutu anga. Kua kapitiia mai ta ratou tuatua​—ta ratou au tuatua pakari, i te tuatua anga kia akavare ia etai ke.​—2 Korinetia 11:​3-5, 13.

Noatu rai e kua taangaanga ia te tuatua kia arataki ke atu ia Eva i roto i te kainga i Edene ra, kare e mea no te manako anga e e au vocal cord to te ovi tika tikai. Kare te reira e anoano ia. Te tuatua anga te angera a te Atua kia Balaama na roto i te atini, kare te animara i anoano i tetai karaponga tei aite ki to te tangata ra. (Numero 22:​26-31) I te akara anga, te ‘tuatua kore anga te asini i te tuatua tangata,’ te mana no te tuatua anga no ko mai ia i te ngai vaerua.​—2 Petero 2:16.

Te mea ora vaerua i muri i te ovi tei tuatua ra kia Eva kua akataka ia mai i roto i te Pipiria e “ko taua ovi taito ra ïa, ko tei karangaia i te diabolo ra, e ko Satani oki.” (Apokalupo 12:9) Te au tuatua tei rongoia e Eva e kua pau atura na Satani ia raurau anga, koia “tei akatutu angela katoa iaia uaorai no te mārama.”​—2 Korinetia 11:14.

[Tutu i te kapi 27]

“Ka riro korua mei te Atua ra te tu, i te kite i te meitaki e te kino”