15. Muri ake ia Aramakito, eaa te ka raveia kia Satani e tana au temoni?

¹⁵ Mea mua, ka kite a Satani me takoreia tona akaaerenga katoa mei te akamataanga ki te openga o te enua nei. E oti ka uri mai te reira ki runga ia Satani. Kua ripoti mai te apotetoro a Ioane eaa te ka tupu i muri mai. (E tatau ia Apokalupo 20:1-3.) Ka opu a Iesu Karaiti, te “angela . . . tei iaia te taviri o te vaarua takere kore” ia Satani e tana au temoni e ka uri atu ia ratou ki roto i te vaarua takere kore, e ka noo ratou ki reira e tai tauatini mataiti. (Luka 8:30, 31; 1 Ioa. 3:8) Ko te akatupu anga te reira i te tuanga mua o te akaparuparu anga i te mimiti o te ovi.c​—Gene. 3:15.