Kare te Atua i anga mai ana i te au tangata kia mamae. Tei tuke ra, kua oronga aia ki nga tokorua mua, ko Adamu raua ko Eva, i te au manako e te au kopapa apa kore, kua akapapa i tetai aua kainga mareka uaia ei kainga no raua, e kua oronga i te angaanga merengo ua e te puapinga kia raua. (Genese 1:27, 28, 31; 2:8) Inara, tei runga to raua mataora anga i te kite anga raua i to te Atua taoonga tutara e tona tika anga kia iki i tei meitaki e tei kino ra. Kua akatutuia mai taua akauenga tu-Atua e te rakau tei tapaia e ko “te rakau e kite ei i te meitaki e te kino.” (Genese 2:17) Ka akatutu a Adamu raua ko Eva i to raua kauraro anga ki te Atua me akarongo raua i tana akauenga auraka e kai mei taua rakau ra.a