Koai te Atua?

Kua roa ake nei te tuatau te akamori anga te tangata i te au atua e te au atua vaine tukeke. Inara te akakite ra te Pipiria, okotai rai Atua “tei maata i te au atua katoa ra.” (2 Paraleipomeno 2:5) Koai aia? Eaa aia i maata atu ei i te au atua e akamoriia ra e te tangata? I teia apii, akara akapeea te Atua te akakite anga mai iaia kia koe.

1. Koai te ingoa o te Atua, e eaa te akapapu anga kia kite tatou i tona ingoa?

Te akakite maira te Atua iaia i roto i te Pipiria. Karanga aia: “Ko au ko Iehova; ko toku ïa ingoa.” (E tatau ia Isaia 42:5, 8.) Ko “Iehova” te urianga o te ingoa Epera, te aiteanga “Ka Akatupu Aia.” Inangaro a Iehova ia tatou kia kite i tona ingoa. (Exodo 3:15) Akapeea tatou e papu ei? Tei roto tona ingoa i te Pipiria e 7,000 taime!a Te ingoa Iehova no “te Atua [ïa] i te rangi, e ki raro katoa i te enua nei.”​—Deuteronomi 4:39.

2. Eaa ta te Pipiria e akakite maira no Iehova?

Karanga te Pipiria ko Iehova anake te Atua mou. Eaa ra? E maata te tumu. E taoonga ngateitei rava to Iehova, e koia anake “Tei Teitei i te enua katoa nei.” (E tatau ia Salamo 83:18.) Koia te “Mana Katoatoa,” te aiteanga e mana tona i te akatupu i tana ka rave. Nana “i anga i te au mea ravarai nei”​—te ao rangi e pini ua ake e te au mea ora i te enua nei. (Apokalupo 4:8, 11) Kua vai ana a Iehova, e ka vai ua atu rai e tuatau ua atu.​—Salamo 90:2.

3. E maata to te Atua taoonga, okotai rai ingoa

Kia kite i te tuke i rotopu i te taoonga e te ingoa o tetai, akatangi i te VITIO, e oti uriuri i teia uianga.

VITIO: Maata te Taoonga, Okotai Rai Ingoa (0:41)

• Eaa te tuke i rotopu i te taoonga, “Atu,” e tetai ingoa?

Karanga te Pipiria e te akamori ra te tangata i te au atua e te au atu. E tatau ia Salamo 136:​1-3, e oti uriuri i teia uianga:

• Koai “te Atua no te au atua ra” e “te Atu o te au atu ra”?

4. Inangaro a Iehova kia kite e kia kapiki koe i tona ingoa

VITIO: E Ingoa Ainei to te Atua?​—Potonga Ua (3:11)

• I toou manako te inangaro ra ainei a Iehova kia kite te katoatoa i tona ingoa? Eaa ra?

Inangaro a Iehova kia kapiki te tangata i tona ingoa. E tatau ia Roma 10:13, e oti uriuri i teia au uianga:

• Eaa i puapinga ai kia kapiki i to te Atua ingoa, ko Iehova?

• Eaa toou manako me maaraia toou ingoa e kua kapikiia mai te reira?

• Eaa to Iehova manako me kapiki koe i tona ingoa?

5. Inangaro a Iehova ia koe kia piri vaitata kiaia

VITIO: Taku Kimianga i te Atua Mou (8:18)

• I roto i te vitio, akapeea ta Soten apii i te ingoa o te Atua te akakeu anga iaia?

I mua ake ka riro ei koe ei oa no tetai, ka apii koe i tona ingoa. E tatau ia Iakobo 4:8a, e oti uriuri i teia au uianga:

• Eaa ta Iehova e pati maira ia koe kia rave?

• Akapeea te kite anga e te kapiki anga i te ingoa o te Atua me akavaitata ia koe kiaia?

APIIANGA

Ko Iehova te ingoa o te Atua mou anake. Inangaro aia kia kite e kia kapiki tatou i tona ingoa kia piri vaitata kiaia.

Uriurianga

• Eaa te tuke ia Iehova mei te au atua ta te tangata e akamori ra?

• Eaa tatou ka kapiki ei i te ingoa o te Atua?

• Eaa te akaari maira e te inangaro ra a Iehova ia koe kia piri vaitata kiaia?

KIMI KIMI

Akara matatio e rima tumu papu e kua vai ana te Atua.

“E Atua Ainei Tetai?” (Web atikara)

Akamanako i te tumu kia irinaki e kua vai ana te Atua.

“Naai i Anga i te Atua?” (Te Punanga Tiaki, Tepetema-Okotopa, 2014)

Apii kia kite i te kapiki i to te Atua ingoa, noatu kare i kitea akapeea tikai me kapiki i te reira.

“Koai a Iehova?” (Web atikara)

Ka kapiki ainei tatou i to te Atua ingoa? Akara kia kite tatou okotai rai ona ingoa.

“Eia Ingoa o te Atua?” (Web atikara)