4:10-15

Ma te tauturu a Iehova, kare a Mose i mataku akaou ana. Eaa ta tatou ka apii mai mei ta Iehova i akakite kia Mose?

• Auraka tatou e akamou ki runga i to tatou tu paruparu

• Ka papu ia tatou e ka oronga mai a Iehova i te ka anoanoia no te rave i ta tatou angaanga

• Ko te tu akarongo i te Atua te ka tauturu ia tatou kia kore e mataku i te tangata

I te akamataanga, kua ekoko a Mose me ka rauka rai iaia i te rave i te angaanga ta Iehova i oronga kiaia. (Exo. 4:10, 13) Kua tupu ana ainei teia kia koe? Te apii ra ainei koe i te Pipiria ki te Au Kite o Iehova? Te manako ra ainei koe me ka rauka ia koe i te tutu aere mei tera are ki tera are? Penei e mapu koe e te emiemi ra i te tutu aere i te apii. Penei te mataku ra koe i te piri ki roto i te angaanga tutu aere na runga i te tereponi me kore i te ngai tangata. E pure akatenga kia Iehova no tona vaerua tapu. (1 Pete. 4:11) E irinaki e ka tauturu mai aia ia koe i roto i tetai ua atu angaanga tana ka oronga mai.—Exo. 4:11, 12.