E AKAMANAKO ana i tetai mirioni au​—tane, vaine, e te tamariki—​te aereanga atu i roto i taua “medebara maata mataku, i ki i te ovi ai ra e te sekopio, i te ngai papa marō ra e te vai kore”!

Te reira au tuatua a te Atua tei kiteaia ia Deuteronomi 8:15 te apai mai nei ki mua i te mata penei te akaraanga e tere maata te vai maira ki mua i to Iseraela ia ratou e aere maira mei Aiphiti e te aereanga atu ki te metepara o Sinai. Okotai ra oki manamanata: Naai e oatu te kai e te vai?

I muri ake i te tikotianga to Iseraela i te Tai Muramura, kua marama i reira ratou i te tu tikai o Sinai. Kare ratou i aere na te ara i matauia ki te pae i apa tokerau inara kua aere atu na te pae taa tai tuatoru o te enua. Te aereanga ratou mei tetai 80 kiro mita te mamao i roto i te metepara, kua kino pakari to ratou anoano no te vai. Kare ra i rauka ia ratou te inu i tei kitea e ratou, no te mea e maramara penei ka akatupu i te maki. “Eaa ra ta matou kia inu?” i aue ei ratou. Kua tomo mai te Atua, na te akariroanga i te vai kia mangaro.​—Exodo 15:22-25.