-
Koai te Mea Puapinga Rava Atu i Roto i Toou Oraanga?Te Punanga Tiaki—2011 | Me 15
-
-
7, 8. Eaa te au timataanga ta Iobu i autu atu, e eaa tana i akaari mai no tona tu akakoromaki akarongo mou?
7 Kua akatika a Iehova ia Satani kia apai mai i te au kino ki runga ia Iobu. (Iobu 1:12-19) Akapeea a Iobu te ariu atu anga ki teia taui anga o te au turanga? Kua akakiteia mai kia tatou e kare aia ‘i ara i taua au mea katoa nei, e kare i akaapa i te Atua.’ (Iobu 1:22) Inara kare a Satani i akamutu ua ki reira. Kua kopekope atu rai aia e: “Ei kiri no te kiri, e riro oki ta te tangata katoa ra ei oko i tona ora.”a (Iobu 2:4) Kua karanga a Satani e me mamae tikai a Iobu, kare aia e iki e ko Iehova te mea puapinga rava atu i roto i tona oraanga.
-
-
Koai te Mea Puapinga Rava Atu i Roto i Toou Oraanga?Te Punanga Tiaki—2011 | Me 15
-
-
a Kua manako tetai aronga apii Pipiria e ko te tuatua “kiri no te kiri” penei ka akatika ua a Iobu ma te noinoi kia ngere tana tamariki e te au manu i to ratou oraanga me kore pakiri, e kia ora mai tona uaorai pakiri me kore oraanga. Kua manako tetai pae e te akataka maira te manako e ka inangaro tetai kia ngere aia i tona pakiri kia ora mai. Ei akaraanga, ka taaki mai tetai tangata i tona rima kia kore tona katu e rutuia mai, e ka maore tona pakiri e ka ora mai aia. Noatu eaa te aiteanga o te takiato tuatua, te taka ua ra e ka rekareka a Iobu i te akaatinga i te au mea ravarai kia ora mai aia.
-