Akapeea Tatou me Akaari e te Akaperepere ra Tatou ia Iehova?

Mei te taime i akamata ai koe i te apii i te Pipiria, kua piri vaitata ainei koe ki te Atua? Ka inangaro ainei koe i te akamatutu i toou pirianga kiaia? Me koia ia, e akamaara, ko te maata atu ta Iehova e kite ra i taau akaperepere iaia, te maata atu tana akaperepere e te akono ia koe. Akapeea koe me akaari e te akaperepere ra koe iaia?

1. Akapeea tatou me akaari kia Iehova e te akaperepere ra tatou iaia?

Ka akaari tatou e te akaperepere ra tatou ia Iehova na te akarongo anga kiaia. (E tatau ia 1 Ioane 5:3.) Kare aia e māro i tetai ua atu kia akarongo mai kiaia. Mari ra, ka oronga mai aia i te tuatau kia iki tatou kia akarongo kiaia e me kare. Eaa te tumu? Inangaro a Iehova ia tatou kia “akarongo ma te ngakau katoa.” (Roma 6:17) Te inangaro maira aia ia koe kia akarongo kiaia, kare no te mea kua māroia koe kia pera, mari ra no toou akaperepere iaia. Kua akapapaia te Tuanga 3 e te 4 o teia puka ei tauturu ia koe kia akaperepere ia Iehova kia mareka aia ia koe e kia kore aia e mamae.

2. Eaa ra i ngata ai kia akaari i to tatou aroa no Iehova?

“Manganui to te tangata tuatua-tika ra mate.” (Salamo 34:19) Te putoto ra tatou ma te au tu apa ua. Te akakoromaki ra tatou i te au manamanata o te moni, te tu tika kore, e te vai atura. Me tupu te manamanata, penei e ngata ia tatou i te akarongo kia Iehova. No te mea e māmā ake i te aru i te mataara tarevake. Inara me akarongo koe ki tana i pati mai, te akaperepere ra koe iaia. Te akapapu ra koe i toou tu tiratiratu. E ka tiratiratu mai aia kia koe. Kare rava aia e akaruke ia koe.​—E tatau ia Salamo 4:3.

4. E akarekareka i to Iehova ngakau

E tatau ia Maseli 27:11, e oti uriuri i teia au uianga:

• Eaa to Iehova manako kia pakari koe e kia akarongo kiaia? Eaa ra?

5. Kia vai tiratiratu koe kia Iehova

VITIO: Paruru i Toou Akarongo Noatu te Patoi Anga (5:09)

• E ngata ainei ia koe te tutu aere ki tetai ke no runga ia Iehova?

• I roto i te vitio, eaa tei tauturu ia Grayson kia kore e mataku?

E māmā ake kia vai tiratiratu kia Iehova me akaperepere tatou i tana e akaperepere ra e me rikarika i tana e rikarika ra. E tatau ia Salamo 97:10, e oti uriuri i teia au uianga:

• Mei taau i apii mai, eaa etai au mea te akaperepere ra a Iehova? Eaa etai au mea te rikarika ra aia?

• Akapeea koe me apii kia kite i te akaperepere i te au mea meitaki e kia rikarika i te au mea kino?

6. Ka puapingaia tatou me akarongo kia Iehova

E meitaki kia akarongo kia Iehova. E tatau ia Isaia 48:​17, 18, e oti uriuri i teia au uianga:

• I toou manako ka irinaki ainei tatou ia Iehova tei kite i tei meitaki tikai no tatou? Eaa ra?

• Kua puapingaia ainei koe mei taau apii i te Pipiria e te Atua mou ko Iehova?

APIIANGA

Ka akaari koe e te akaperepere ra koe ia Iehova me akarongo e me vai tiratiratu kiaia noatu te manamanata.

Uriurianga

• Eaa taau i apii mai mei te akaraanga o Iobu?

• Akapeea koe me akapapu i toou aroa no Iehova?

• Eaa te ka tauturu ia koe kia vai tiratiratu kia Iehova?

KIMI KIMI

Akara kia kite koe akapeea me vai tiratiratu kia Iehova e te putuputuanga.

“Te Tangata Tiratiratu ra, e Tiratiratu Katoa Taau” (16:49)

E apii kia kite i ta Satani au akaapa anga i te tangata.

“Vai Tiratiratu a Iobu” (Te Pipiria​—Eaa Tana Karere? tuanga 6)

Akara akapeea te tamariki me akaari e te akaperepere ra ratou ia Iehova.

E Akarekareka ia Iehova (8:16)

Akapeea tetai tamaiti tei taomiia e tetai au mapu, te vai tiratiratu anga ki te Atua?

Patoi i te Taomianga a te au Oa! (3:59)