Au Uianga a te Aronga Tatau

Te akakite maira a Salamo 102:26 e ka “pou” te enua e te au rangi ra. Te aiteanga ainei i reira o taua tuatua ra e ka takoreia te paraneta Enua?

I roto i tetai pure kia Iehova, kua karanga te tata taramo e: “Naau i akamou i te enua, i taito roa ra; te au rangi oki, na toou ïa rima i anga. Ka riro ra te reira i te pou, e toe ra koe: e ka piro ratou ravarai mei te kakau ra: ka kopaeia ratou e koe mei te kakau ra: kopae ua rai ratou.” (Salamo 102:25, 26) Te akaari maira te aerenga tuatua e te tuatua ra teia au irava, kare ki te akapouanga o te enua, mari ra ki te tu mutu kore o te Atua. Te akaari katoa maira taua aerenga tuatua eaa rai taua tuatua mou ra ei mea pumaana ki te au tavini o te Atua.

E tumu anga no te pumaana i te kite anga e ka vai ua rai a Iehova i te akatupu i tana au taputou. Noatu eaa te au timataanga te ka tupu kia tatou, me aue tatou kiaia, papu ia tatou e nana e ‘akono te pure a tei putaua, e kare e akavaavaa i ta ratou pure.’ (Salamo 102:17) Ae, ta Iehova akapapuanga no te tauturu tei kiteaia i roto ia Salamo 102 e mea ketaketa roa atuia i te enua e tu nei tatou ki runga.