3. Eaa ta Iehova e tapapa maira i tona au oa?

Akaperepere a Iehova i te tangata, “tei te aronga tuatua-tika ra” Tona pirianga oa. (Maseli 3:32) Te tapapa maira a Iehova i tona au oa kia rave i te meitaki e kia kopae i te kino. Penei te manako ra tetai pae e ngata i te aru i te au turanga a Iehova no te meitaki, e kia kopae i te kino. Inara, e ngakau tangi aroa to Iehova. Te mareka ra aia i te aronga tei akaperepere Iaia e te tauta i te akamareka Iaia.​—Salamo 147:11; Angaanga 10:​34, 35.

Mareka pouroa tatou i te tu tika o te au oa. Te tapapa maira a Iehova i te tu tika mei tona au oa. Kare ra i te mea māmā ua i te rave i roto i teianei ao tika kore. Eaa te au puapinga me raveia te tika i te au mea katoa?

1. Eaa te tumu puapinga rava atu kia rave i te tika?

Me e tu tika to tatou, te akaperepere ra e te akangateitei ra tatou ia Iehova. Akamanako: Kua kite a Iehova i ta tatou e manako ra e e rave ra. (Ebera 4:13) Kua kite aia me rave tatou i te tika, e te mareka ra aia i te reira. Akakite tana Tuatua: “E mea viivii oki na Iehova te aronga māro ra, tei te aronga tuatua-tika ra tana muna.”​—Maseli 3:32.

2. Eaa tetai au atianga i te oraanga kia rave i te tika?

Inangaro a Iehova “ei tuatua-mou ta te tangata katoa e tuatua ki tona tangata tupu.” (Zekaria 8:​16, 17) Eaa te aiteanga? Me tuatua tatou ki te ngutuare tangata, te au oa angaanga, te au taeake e te au tuaine Kerititiano, e te au opita kavamani, kare tatou e pikikaa e kare e oronga i te akakiteanga pikikaa. Kare te au tangata tu tika e keia mei tetai ke e kare e pikikaa ia ratou. (E tatau ia Maseli 24:28 e Ephesia 4:28.) E ka tutaki ratou i te tero. (Roma 13:​5-7) Noatu eaa te tu, ka ‘akono meitaki tatou i te au mea katoa’ ma te tika.​—Ebera 13:18.

3. Eaa te au puapinga kia rave i te tika?

Me rave tatou i te tika, ka irinaki te tangata ia tatou. Ka puapingaia te putuputuanga. Ka meitaki te akava ngakau. Ka riro to tatou tu tika “kia manea te tuatua a te Atua a to tatou Ora ra” e ka akakeu i te tangata kia aere mai ki te putuputuanga o te akamorianga mou.​—Tito 2:10.

KIMI OONU

4. Akamareka te tu tika ia Iehova

E tatau ia Salamo 44:21 e Malaki 3:16, e oti uriuri i teia au uianga:

• Eaa i toou manako e mea tau kore kia uuna i te tika?

• Eaa to Iehova manako me akakite tatou i te tika, noatu te ngata?

5. E rave ua i te tika

VITIO: Eaa te ka Akatupu i te Rekareka?​—E Akava Ngakau Mā (2:32)

E tatau ia Ebera 13:18, e oti uriuri akapeea me rave i te tika . . .

• i roto i te ngutuare tangata.

• i te ngai angaanga e te apii.

• i tetai au turanga ke.

6. Puapingaia tatou me rave i te tika

Penei ka tupu te manamanata me rave i te tika. Inara, e meitaki tikai te reira. E tatau ia Salamo 34:​12-16, e oti uriuri i teia uianga:

• Akapeea toou oraanga e meitaki atu ei me rave i te tika?

1. A. Ka meitaki te oraanga akaipoipo o te au tane e te au vaine tei rave i te tika

2. E. Ka irinaki te pu angaanga i te aronga angaanga tei rave i te tika

3. NG. Mareka te au opita kavamani i te au tangata tei rave i te tika

APIIANGA

Inangaro a Iehova i tona au oa kia rave i te tika me tuatua e me angaanga.

Uriurianga

• Eaa tetai au mataara kia rave i te tika?

• Eaa i tau kore ei kia uuna i te tika?

• Eaa koe i inangaro ei kia rave ua i te tika?

KIMI KIMI

Akapeea te au metua me apii i ta ratou tamariki kia rave i te tika?

Rave i te Tika (1:44)

Eaa te au puapinga kia akono tatou i te au taputou?

Akono i te au Taputou, Rauka te Akameitakianga (9:09)

Akara me ka tutaki tatou i te tero noatu me ka taangaanga tau koreia te reira.

“Ka Tutaki Ainei i te Tero?” (Te Punanga Tiaki, Tepetema 1, 2011)

Eaa tei akakeu i te tangata tika kore kia taui i tona oraanga e kia rave i te tika?

“Apii Mai Au e e Atua Akaaroa a Iehova e te Akakore i te Ara” (Te Punanga Tiaki, Me 1, 2015)

2. Eaa to Iehova manako i toou au oa?

Kua iki meitaki a Iehova i tona au oa. “Tei te aronga tuatua-tika ra tana muna.” (Maseli 3:32) Eaa to Iehova manako me iki tatou i te au oa kare e inangaro ana iaia? Ka maromaroa aia! (E tatau ia Iakobo 4:4.) I tetai tua, ka mareka a Iehova e ka iki ia tatou ei au oa nona, me kopae tatou i te kapiti ki te aronga kikino e kia akavaitata kiaia e te aronga tei inangaro iaia.​—Salamo 15:​1-4.