Mei te au Apara Auro

TE AU apara​—mei teaa atura to ratou akaraanga tau rekareka ki te mata e te tongi anga! Te taangaanga ra te Puka Tapu i teia ua rakau reka na roto i tetai tuatua aiteite te manako oraora i te tuatua anga e: “Mei te [“au apara,” NW] auro i roto i te vairanga ario ra, ko te tuatua ïa me tuatuaia i te tuatau tikai ra.” (Maseli 25:11) Eaa i reira te aiteanga no teia tuatua?

Te “au apara auro i roto i te vairanga ario ra” penei te aite ra i tetai angaanga tarai, mei te toi anga vairanga ario e te au ua rakau ma te auro i rungao. I te mea ra te taiku maira te au irava i mua ra i roto i teia pene i te aravei atu anga ki mua i tetai ariki Mas 25:2, 3, 5, 6, ko teia irava te akaaiteia nei i te oronga anga i tetai au apinga na tetai tutara​—e au apinga akamanea auro tei maaniia mei te tu o te au apara, tei tukuia ki runga i te vairanga ario. (Maseli 25:6, 7) E tau rekareka anga, tikai!

Te vaira tetai aiteite anga manea e te tau, te akangateitei, te tuatua i te tuatau tau tikai, i te mea ra te tataia ra me kare te tuatuaia ra. E au tuatua arikiia, ei akamaroiroianga, e te puapinga anga i tetai au mataara ke. E mei te au tuanga o te Puka Tapu te akauruia ra e mei te manea anga o te “au apara auro i roto i te vairanga ario ra.”

Tei akatutuia mai e te tuatua pakari a te Ariki ko Solomona i roto ia Maseli 25:11, “kua kimi [aia] kia kitea te tuatua te ka ārikiia ra: e ko tei tata ra, e mea tiratiratu ïa, e te tuatua-mou.” (Koheleta 12:10; Maseli 25:1) I te anere mataiti i muri maira, kua tata te apotetoro Kerititiano ko Paulo e: “Te au tuatua tapu katoa i tataia ra, e mea akauruia mai e te Atua, e e mea meitaki.” (2 Timoteo 3:16) Ae, te ki ra te Puka Tapu i te akoanga meitaki, e te au totou anga, te au tuatua tutu, e te tuatua mou no te purapura anga e te manea anga ta ratou e akaari ra e angaanga maata atu ki ta te aronga karape e rave ra. Te maata atura i te reira, i te rauka anga i tetai ke te pakari mei ko mai i te Tuatua a te Atua, te Puka Tapu, te rauka ra tetai apinga akaperepereia i te tamataora anga i tetai manakonakoanga no te oraanga mutu kore.​—Maseli 4:7-9; Ioane 17:3.