• ‘Ta te Tangata Katoa ïa Apainga’
    Te Punanga Tiaki—1997 | Peperuare 15

    • 13. (a) Akapeea ta Koheleta 9:4, 5 tauturu ia tatou kia manako tau i te tautaanga i tetai turanga teitei me kare mana? (e) Eaa te au tika te ka tau tatou kia aro atu me ko teianei ora anga anake ua te vai maira? (Akara i te tataanga i raro ake.)

      13 Eaa te puapinga o taua turanga teitei ra me kare mana taoonga i te openga ra? Te kore nei tetai uki, e te kitea maira tetai uki, te kore atura te aronga akateiteiia me kare au tangata ririnui i te ao nei e kua ngaropoinaia. Ko te tika te reira no te aronga patu, akatangi imene e etai atu aronga karape, pupu rave kia meitaki mai, e te vai atura, mei te tika katoa ra no te maata anga o te aronga poritiki e te au au arataki vaeau. To taua au angaanga ra, eaa te manganui o te aronga tataki tai taau i kite tei ora i rotopu i te 1700 e te 1800 mataiti? E tika ta Solomona ra akataka anga i te na ko anga: “E ngari ake to te puaka-aoa kia ora ra i to te liona kia mate. Kua kite oki te aronga e ora nei e ka mate ratou: kare ra a te aronga i mate ra e tuatua i kitea; . . . kua akangaropoinaia oki ratou.” (Koheleta 9:4, 5) E me ko teianei ora anga anake te vai mai nei, e mea puapinga kore tikai i reira te tauta anga no tetai turanga teitei me kare e mana ra.a

  • ‘Ta te Tangata Katoa ïa Apainga’
    Te Punanga Tiaki—1997 | Peperuare 15

    • a Kua tuatua maira The Watchtower i teianei akakiteanga oonu: “Ka tau tatou kia kore e kaimoumou i teianei ora anga ki te au mea puapinga kore ua . . . Me ko teianei oraanga te vai mai nei, kare e apinga puapinga i reira. Te aite ra teianei oraanga ki tetai poro tei peiia ra ki roto i te reva e kare i roaia kua topa akaou mai ki roto i te one pueu. E ata ngaro ua te reira, e tiare kua maro atu, e potonga matie kia tipuia kare e roa kua mae. . . . I runga i te aite no te mutu kore to tatou tuatau oraanga e topata manako kore uaia ia. I roto i te kauvai o te tuatau ra kare ua ia i tetai topata maata. No reira e tika ta [Solomona] i tana akara akaou anga i te au manako e manganui e te au angaanga a te tangata e kua karanga aia e puapinga kore anake ratou. Kare tatou e roa kua ngaro ke penei e meitaki atu naringa kare tatou i anau mai, ei tetai o te au pirioni tei aere maira e kua ngaro ke atu, ma te tokoiti ua tei kite e no konei tatou. Kare teia manako i te mea aviri ua me kare poiri e maromaroa kare i te meitaki. E tika ia, ko tetai tika kia aro atu, e manako tau, me ko teianei ora anga anake te vai mai nei.”​—Aukute 1, 1957, kapi 472.