Akapeea to Iesu Mate te Akaora Anga ia Tatou?

Kua ara, mamae e kua mate tatou, no tei akarongo kore te nga tokorua mua, ko Adamu e Eva ki te Atua. Inara kare tatou i vai puapinga kore ua.a Kua oronga mai a Iehova i te ora kia matara mai tatou mei te ara e te mate na roto i tana Tamaiti, ko Iesu Karaiti. Kua apii mai te Pipiria, e na roto i to Iesu mate, i rauka ai te atinga oko. Ka anoanoia te oko ei tutaki kia ora tetai tangata. Kua tutaki a Iesu i te reira ki tona oraanga apa kore. (E tatau ia Mataio 20:28.) Kua puareinga ua a Iesu i te oronga i tona oraanga mutu kore i te enua, kia rauka akaou te au mea ta Adamu e Eva i ngere. Akaari katoa mai a Iesu e Iehova i to raua akaperepere maata ia tatou. Ka riro teia apii ei akamaata atu i toou āriki rekareka i to Iesu mate anga.

1. Akapeea tatou e puapinga ai mei te mate o Iesu?

No te mea e aronga ara tatou, e rave ana tatou i te au mea te ka akamareka kore ia Iehova. Inara, me tataraara tatou i ta tatou ara e kia pati kia Iehova na roto ia Iesu, kia akakore mai i ta tatou ara e kia kore e rave akaou i te tarevake, ka mataora tatou i tetai pirianga oa vaitata ki te Atua. (1 Ioane 2:1) Karanga te Pipiria: “I mate na oki te Mesia uaorai i te matenga okotai no te ara, te tangata tuatua-tika no te aronga tuatua-tika kore, kia tae tatou iaia i te Atua ra.”​—1 Petero 3:18.

2. Akapeea tatou e puapinga ai mei to Iesu mate, a te tuatau ki mua?

Kua tono mai a Iehova ia Iesu kia oronga i tona oraanga apa kore “kia kore e mate te akarongo [kia Iesu], kia rauka ra te ora mutu kore.” (Ioane 3:16) Meitaki tikai ta Iesu i rave, kare e roa ka takore a Iehova i te au kino no te tu akarongo kore o Adamu. Tera te aiteanga, me taangaanga tatou i te akarongo ki roto i te atinga oko o Iesu, ka mataora te oraanga e tuatau ua atu i parataito i te enua nei!​—Isaia 65:​21-23.

KIMI OONU

3. Akaora mai to Iesu mate ia tatou mei te ara e te mate

VITIO: Eaa a Iesu i Mate Ei?​—Tuanga 1 (2:01)

• Eaa ta Adamu i ngere te akarongo kore anga aia i te Atua?

E tatau ia Roma 5:12, e oti uriuri i teia uianga:

• Eaa tei tupu kia tatou, te ara anga a Adamu?

E tatau ia Ioane 3:16, e oti uriuri i teia uianga:

• Eaa a Iehova i tono mai ei i tana Tamaiti ki te enua nei?

1. A. E tangata apa kore a Adamu tei akarongo kore ki te Atua, ara atura te tangata e kua mate

2. E. E tangata apa kore a Iesu tei akarongo ki te Atua, apa kore atura te tangata ma te ora mutu kore

4. Ka puapingaia te katoatoa mei te mate o Iesu

VITIO: Eaa a Iesu i Mate Ei?​—Tuanga 2 (2:00)

• Akapeea te mate o te tangata okotai, i puapinga ai ki te au tu tangata katoatoa?

E tatau ia 1 Timoteo 2:5, 6, e oti uriuri i teia uianga:

• E tangata apa kore a Adamu tei arataki i te tangata ki te ara e te mate. E tangata apa kore katoa a Iesu. Akapeea aia te oronga anga mai i te atinga “oko”?

5. E apinga aroa te atinga oko mei ia Iehova kia koe

Āriki te au oa o Iehova i te atinga oko ei apinga aroa no ko mai iaia. Ei akaraanga, e tatau ia Galatia 2:20, e oti uriuri i teia uianga:

• Akapeea te apotetoro ko Paulo te akakite anga e e apinga aroa te atinga oko?

Te ara anga a Adamu, kua akautungaia aia e tana uanga katoatoa kia mate. Inara kua tono mai a Iehova i tana Tamaiti kia mate no tatou e rauka ai te oraanga mataora e tuatau ua atu.

Ia koe e tatau ra i teia au irava, akamanako ana ia Iehova e akara ra i tana Tamaiti e mamae ra. E tatau ia Ioane 19:​1-7, 16-18, e oti uriuri i teia uianga:

• Eaa toou manako i ta Iehova e Iesu i rave noou?

APIIANGA

Kua riro to Iesu mate, kia rauka ia Iehova i te akakore i ta tatou ara ma te oraanga mataora e tuatau ua atu.

Uriurianga

• Eaa a Iesu i mate ei?

• Akapeea to Iesu oraanga apa kore i riro ei ei atinga oko?

• Akapeea koe e puapinga ai mei to Iesu mate anga?

KIMI KIMI

Apii kia kite, eaa i kapikiia ai te oraanga apa kore o Iesu e ko te atinga oko.

“Akapeea te Atinga o Iesu i Riro ei ei ‘Oko no te Tangata e Manganui’?” (Web atikara)

Apii kia kite eaa ta tatou ka rave e ora ai tatou.

“Akaora a Iesu​—Akapeea?” (Web atikara)

Ka akakore ainei a Iehova i te au ara kino?

“Pauia te au Uianga Pipiria” (Te Punanga Tiaki, Tiurai 1, 2013)

Akara akapeea te atinga o Karaiti te tauturu anga i tetai tangata kia taui i tona tu.

“Kare Au i te Tuikaa Akaou no te Takinga Kino” (Web atikara)