• E Aru i te Aroa o te Atua, i Teia Tuatau
    Te Punanga Tiaki—1991 | Aperira 15

    • 2. Eaa ta Iesu apii i oronga mai ia Mataio 18:15-17 no runga i te akono anga i te ara kino ra?

      2 Te oronga maira te Puka Tapu kia tatou i te kite oonu ki roto i to te Atua ra manako anga, noatu ko ta tatou ka tau kia rave me ka apa mai tetai kia tatou. Kua tuatua a Iesu ki tana au apotetoro, ko te ka riro ei au akaaere Kerititiano i muri akera: “E kia takinga-kino to taeake ia koe, e aere e akakite atu i tana apa korua anake ua; e kia akarongo mai aia ra, kua rauka ïa to taeake ia koe.” Kare te apa i taiku nei i konei i te meangiti ua mari ra e ara kino, mei te keia rai me kare te tuatua akakino. Kua karanga a Iesu e me ka kore e rauka i te reira takainga te akatika i taua tarevake ra e me e au kite etai i reira, ka tau tei takinga kinoia ra kia rave atu ia ratou ei akapapu e i raveia ana tetai tarevake. Ko te takainga openga rava ainei teia? Kare. “Me ka kore [tei ara ra] e akarongo kia raua, e akakite atu ki te putuputuanga. Me ka kore katoa aia e akarongo ki te putuputuanga, e vaio atu iaia mei tetai tangata rai o te pa enua e mei te tangata koi tero ra.”​—Mataio 18:15-17, NW.

      3. Eaa te aite anga o ta Iesu tuatua e ko te tangata rave ara kare e tataraara “kia riro atu aia mei te etene ra e te telona”?

      3 I te mea e ngati Iuda ratou, kua kite te au apotetoro ra e eaa tikai te aiteanga e kia akono i tei apa ra “mei te etene rai e mei te tangata koi tero ra.” Kua kopae te ngati Iuda i te pirianga ma te aronga etene ra, e kua akavaavaa ratou i te aronga ngati Iuda koi tero na to Roma ra.a (Ioane 4:9; Angaanga 10:28) E no reira, te apii atura Iesu i tana au pipi e me ka kopae atu te putuputuanga i tetai tangata rave ara ra, auraka roa ratou kia piri atu kiaia. Inara, tetai au taime ka akapeea te reira e rotai ei ki to Iesu kapiti anga ma te aronga koi tero ra?

  • E Aru i te Aroa o te Atua, i Teia Tuatau
    Te Punanga Tiaki—1991 | Aperira 15

    • a “E mea matauia kia akavaavaa te aronga ngati Iuda ra i te aronga koi tero o Paretaina no etai atu tumu: (1) Te koi ra ratou i te moni no tetai mana patireia ke tei noo ra ki te enua o Iseraela, e no reira te turu ra i te reira aronga rave kino; (2) e kino roa to ratou manako kore, e kua apinganui i te apinga a to ratou uaorai au tangata ra; e te (3) te kapiti putuputu ra ratou ma te aronga Etene i ta ratou angaanga, tei akariro ra ia ratou kia viivii. Te akavaavaa i te aronga koi tero te kitea ra i te K[oreromotu] O[u] e te au puka katoa a te au rapi ra . . . I ta te aronga taikuia i muri nei, e tau katoa kia makitakitaia te ngutuare tangata o te tangata koi tero ra.”​—The International Standard Bible Encyclopedia.