9. Eaa ta Iesu tumu i akakite, tei tataia ia Mataio 24:36?

⁹ Te akatupuia ra te angaanga tutuanga Patireia ma etai atu tuanga katoa oki o te akairo o to Iesu parutia i teianei tikai. No reira, te vaitata nei te openga no teia akatereanga kino o te au mea nei. E tika, i tuatua a Iesu e: “Kareka te reira rā e te reira ora, kare rava tetai e kite, kare oki te au angela o te rangi, ko toku Metua anake ra.” (Mataio 24:4-14, 36) Inara ka rauka i ta Iesu ra totou kia tauturu ia tatou kia papa no “te reira rā e te reira ora.”

14. Eaa ta Iehova i akakite kia Noa i te openga, e no teaa ra?

¹⁴ I te vaitata anga te oti te araka, penei kua manako a Noa e kua vaitata roa mai te Vaipuke, noatu rai e kare aia i kite tikai e aea te reira e tupu ei. I te openga ra kua akakite atura Iehova kiaia: “E itu po toe, e akatopa mai ei au i te ua ki runga i te enua nei, e kia rua takau po, e kia rua takau ao.” (Genese 7:4) Na te reira i oronga atu kia Noa e tona ngutuare tangata kia rava ua te tuatau kia taki atu i te au tu manu ravarai ki roto i te araka e kia tomo katoa oki ratou uaorai i te reira i mua ake i te akamata anga te Vaipuke ra. Kare tatou e umuumuia kia kite i te ra e te ora no te akamata anga i te akapouanga i teia akatereanga; kare te akaora anga i te au manu i tukuia mai na tatou e rave, e ko te au tangata te ka ora kua akamata ke ana i te tomoanga ki roto i te araka akatutuia ra, koia te parataito vaerua no te au tangata o te Atua ra.