Akamata i te Aere e Ongi i to Taeake—Akapeea Ra?

Akamanako ana e te ora ra koe i Galilea i to Iesu tuatau. Kua aere koe ki Ierusalema no te akaepaepa i te Oroa Patia Anga Puakapa. Kua kī te oire i te aronga akamori ia Iehova mei te au enua mamao mai. Ka inangaro koe i te oronga i taau atinga kia Iehova. Te taki ra koe i taau puakanio, na roto koe i te urupu tangata i roto i te oire ki ko i te iero. Tae koe ki reira, kua kī te iero i te au aronga ke tei inangaro i te oronga i ta ratou atinga. E oti, kua tae toou tuatau i te oronga i taau puakanio ki te taunga. I tera taime, kua maara mai ia koe toou taeake, tei roto i te urupu tangata me kore te oire, tei akamoupuku ia koe. Kua akamārama mai a Iesu eaa taau ka rave. (E tatau ia Mataio 5:24.) Akapeea korua ko toou taeake me akatupu i te au mei ta Iesu i akakite mai? I roto i teia au tuanga i raro, e akairo i te pauanga tau.

TAAU KA RAVE . . .

• tuatua ki toou taeake me e tumu meitaki tona kia akamoupuku ia koe

• tauta i te akatano i te manako o toou taeake me akariri mai aia me kore me akaapa mai aia ia koe

• akarongo meitaki ki toou taeake me akakite mai i tona manako, noatu kare koe i mārama tikai, e tataraara atu no te tu mamae e na roto nei aia me kore te au mea kare koe i akakoro ana kia tupu

TA TO TAEAKE KA RAVE . . .

• kimi i te tauturu mei te putuputuanga na te akakiteanga kia ratou i taau i rave

• akakino mai ia koe, akakite i te au apa e kia āriki koe noou te tarevake

• kia kite i toou tu akaaka e toou inangaro nona, e kia akakore i toou apa ma te ngakau tae

Kare tatou e akaatinga ana i te manu no ta tatou akamorianga, eaa ta Iesu e apii maira no runga i te akatupu anga i te au ki toou taeake e te akamori anga tau ki te Atua?