I te kite anga i te au taui anga i roto i tana tane, kua akamata katoa a Mihoko i te taangaanga i tana e apii ra. Ko tetai kaveinga tei riro ei tauturu tikai ko teia: “Auraka e akakino atu; kia kore kotou e akakinoia mai. Ko ta kotou oki e akakino ia etai ke ra, e akakino katoaia kotou i te reira.”e No reira kua iki a Mihoko raua ko tana tane i te tuatua no runga i to raua au tu meitaki e akapeea raua me akamako mai i te kimi apa anga tetai ki tetai. Eaa tei tupu mai? Kua maara ia Mihoko: “Kua akariro te reira iaku kia mataora tikai. E rave ana maua i teia i te ngai kaikai anga i te au aiai. Kua piri katoa mai ta maua tamaiti e toru mataiti ki roto i te uriuri anga. Kua riro te reira ei akaoraoraanga kia maua!”