‘E Tavini i te Atu ra i te Mesia’

I TE tuatua enua i aereia mai, e mirioni ua atu au tangata tei akakoromaki i te apainga o te tu tuikaa. Ei akaraanga, e tauatini ua atu mataiti i topa, kua mamae maata te au Iseraela i te rima o te au akaaere Aiphiti. Mei ta te Pipiria e karanga ra, kua “tuku [ratou] i te aronga akaue tuikaa ki rungao i te au Iseraela kia akaroiroi ia ratou i raro ake i te au apainga teiaa,” i roto tikai i te ngai maani anga piriki.​—Exodo 1:11, The Jerusalem Bible.

I te au enua e manganui i teia tuatau, kare te au tangata e tuikaa tikai ana, inara e manganui te angaanga ra i te au ora roa i raro ake i te au turanga​—maroia​—i etai au taime tau kore. Tei raro ake ratou i te apainga teiaa tei kapikiia ko te tuikaa anga pae puapinga.

Inara, te vaira, tetai tu tuikaa anga kare e teiaa ana te apainga. Kua raurau te apotetoro ko Paulo i te au taeake irinaki: ‘E tavini i te Atu ra i te Mesia.’ (Kolosa 3:24) Te aronga tei iki kia riro mai ei au tuikaa o Karaiti ka kite i te akamaru anga mei ta ratou au apainga teiaa. Kua karanga a Iesu uaorai: “E aere mai kotou kiaku nei, ko te aronga katoa i roiroi, e te aronga teiaa i te apainga, naku e akaanga i to kotou roi. Ka rave mai i taku amo ki rungao ia kotou, e kia apiiia kotou e au; te maru nei au, e ngakau akaaka toku, e rauka oki ia kotou te akaangaroianga i to kotou vaerua. Te maru nei taku amo, e te māmā nei taku apainga.”​—Mataio 11:28-30.

Na te arikianga i te amo a Karaiti kare ia e akarangatira i tetai mei te apainga o te oronga anga i te pae materia no te pamiri o tetai. (1 Timoteo 5:8) Inara, ka oronga te reira i te tu rangatira mei te au taii anga e manganui o te au tu aruaru anga pae materia. I te mea ka akariro i te noo meitaki anga i te pae materia ei akakoroanga maata i to ratou oraanga, ka merengo ua te au Kerititiano i te au apinga anoanoia no te ra.​—1 Timoteo 6:6-10; akaaite ia 1 Korinetia 7:31.

Ka kite katoa te au Kerititiano i te akaoraora anga i te akatupuanga i ta ratou apainga o te tutu aere anga i te “evangelia” o te Patireia o te Atua. (Mataio 24:14) Ka apai mai teia i te rekareka tikai e te merengo anga!

Ka tau tatou kia akameitaki e ka rauka ia tatou i te ‘tavini i te Atu ra i te Mesia’!

[Akameitakianga no te Tutu i te kapi 32]

Pictorial Archive (Near Eastern History) Est.