APII 12
Eaa te ka Tauturu ia Koe Kia Apii Tamou i te Pipiria?
E mea puapinga te apii i te Pipiria inara kare i te mea māmā ua. Penei kua manako koe me ka rauka ia koe te apii tamou i te Pipiria. Eaa tatou ka tauta ua atu ei? Eaa te ka akakeu ia koe kia aruaru noatu te arairai anga?
1. Eaa i puapinga ai te apii i te Pipiria?
“E mea ora oki te tuatua a te Atua, e te ririnui.” (Ebera 4:12) Te akakite maira te reira i to te Atua au manako no tatou. Ka oronga mai te reira i te kite, te pakari mou e te manakonakoanga. Te mea puapinga rava, ka tauturu te Pipiria ia koe kia riro ei oa no Iehova. Me apii koe i te Pipiria, ka akameitaki mai te reira i toou oraanga.
2. Eaa i puapinga ai kia kite i te meitaki o te tuatua mou Pipiria?
Ka aite te au tuatua mou Pipiria mei te au poe akaperepereia. No reira te Pipiria i akamaroiroi ei ia tatou kia “oko i te tuatua-mou, e auraka rava e oko akaouia atu.” (Maseli 23:23) Me akamanako tatou i te puapinga o te tuatua mou Pipiria, ka tauta pakari tatou i te apii tamou—noatu te manamanata.—E tatau ia Maseli 2:4, 5.
3. Akapeea a Iehova me tauturu ia koe kia apii ua atu?
Ei Oa e Tei Anga mana katoatoa, ka tauturu a Iehova ia koe kia kite iaia. Ka oronga mai aia i “te inangaro e te rave, mei tana i anoano ra.” (E tatau ia Philipi 2:13.) No reira, me anoano koe i te tauturu no te apii e te taangaanga i taau e apii ra, ka tauturu mai aia. Me anoano koe i te maroiroi kia akakoromaki i te manamanata e te patoi anga, ka tauturu mai aia. E pure putuputu kia Iehova kia apii tamou koe i te Pipiria.—1 Tesalonia 5:17.
KIMI OONU
Akara akapeea koe me apii tamou i te Pipiria noatu te manamanata e te patoi anga a tetai pae. Akamanako akapeea a Iehova me tauturu ia koe.
4. Akanoo i taau apii Pipiria ei mea puapinga
Tetai taime e maata roa te angaanga kare e taime no te apii i te Pipiria. Eaa te ka tauturu? E tatau ia Philipi 1:10, e oti uriuri i teia au uianga:
Eaa toou manako i “te au mea e maata ua atu te meitaki” i te oraanga?
Akapeea koe me akanoo i taau apii Pipiria ei mea puapinga?
A. Me akaki koe i te pakete ki te one e oti te toka, kare te reira e o
E. Me taru koe i te toka na mua, ka o te one ki roto. Pera rai, me rave koe na mua “te au mea e maata ua atu te meitaki,” ka rava te tuatau no tetai angaanga ke
Ka akamerengo te apii Pipiria i to tatou anoano i te pae vaerua—kia kite e te akamori i te Atua. E tatau ia Mataio 5:3 (NW), e oti uriuri i teia uianga:
Akapeea tatou e puapinga ai me akanoo i te apii Pipiria ei mea mua?
5. Akakoromaki i te patoi anga
Tetai taime, ka akaparuparu tetai pae ia koe kia kore e apii i te Pipiria. Akara i te akaraanga o Francesco. Akatangi i te VITIO, e oti uriuri i teia au uianga.
I roto i te vitio, eaa te tu o te au oa e te ngutuare o Francesco i tona akakite anga i tana e apii ra?
Akapeea aia i puapinga ai no tana akakoromaki anga?
E tatau ia 2 Timoteo 2:24, 25, e oti uriuri i teia au uianga:
Eaa te manako o toou ngutuare e te au oa ia koe e apii ra?
I roto i teia au irava, eaa toou manako me kare tetai e rekareka ia koe e apii ra i te Pipiria? Eaa ra?
6. Irinaki ia Iehova no te tauturu
Ia tatou e piri vaitata ra kia Iehova ka maata atu to tatou anoano i te akamareka iaia. Ka ngata rai te akatanotano i to tatou oraanga kia tau ki tana turanga. Me manako akapera koe, eiaa e tuku i te au. Ka tauturu a Iehova ia koe. Akatangi i te VITIO, e oti uriuri i te au uianga ka aru mai.
I roto i teia vitio, eaa te au taui anga ta Jim i rave no te akamareka ia Iehova?
Eaa taau i mareka i tona akaraanga?
E tatau ia Ebera 11:6, e oti uriuri i teia au uianga:
Eaa ta Iehova ka rave no te aronga tei “kimi tikai iaia” —kia kite iaia e te akamareka iaia?
Eaa ta teia e akakite maira i to Iehova manako me kite aia e te apii ra koe i te Pipiria?
KARANGA TE TANGATA: “Eaa koe ka apii ei i te Pipiria?”
Eaa taau pauanga?
APIIANGA
Noatu kare i te mea māmā, ka mataora toou oraanga me apii koe i te Pipiria. E irinaki ia Iehova, e nana e akameitaki mai ia koe.
Uriurianga
Eaa koe ka akaperepere ei i te au tuatua mou Pipiria?
Akapeea koe me akapapu i “te au mea e maata ua atu te meitaki”?
Eaa koe ka pati tauturu ei kia Iehova no te apii i te Pipiria?
KIMI KIMI
Akamanako i te au ravenga e a tei tauturu i te tangata kia akapou meitaki i to ratou taime.
“Akapeea Koe me Akapou Meitaki i Toou Taime” (E Ara!, Peperuare 2014)
Akara akapeea a Iehova te tauturu anga i tetai vaine kare tana tane i mārama ana i tona anoano no te akamareka i te Atua.
Akamaroiroi a Iehova ia Tatou Kia Rave i ta Tatou Apainga (5:05)
Akara akapeea tetai tane i puapinga ai mei te akaraanga o tana vaine.
E akaapaia ana te Au Kite o Iehova no tei akatakake i te ngutuare tangata. E tika ainei te reira?