E anere ua atu mataiti i topa kua akaapaia tetai tangata apa kore kia mate no tetai kino kare aia i rave ana. Kua akakite te au kite i te akakiteanga pikikaa, e kua uri ke te au opita poritiki i to ratou au katu, kua akamatapo i to ratou au mata ki te tika. Ko Iesu Karaiti te reira tangata apa kore. I mua poto ua ake ka mate ei aia, kua pati aia ki te Atua na roto i te pure e: “E taku Metua, e akakore mai koe i ta ratou ara, kare oki ratou i kite i ta ratou i rave nei.”​—Luka 23:34.

Kua akakore va ua a Iesu, mei tona ngakau, e kua raurauia tana au pipi kia aru i tona tu. (Ephesia 4:32) Inara, mei ia Bill rai, e manganui te puareinga kore ra ma te ngakau kore i te akakore i te apa o tetai. Te peea ra koe no runga i teia tu? Te puareinga ua ra ainei koe i te akakore i te apa o tetai atu? E akapeea te au ara pakari? Kia akakore katoaia ainei te reira?

Ka tamanako ana i te au mea e manganui ta Iesu i akamanako i te avatea o tona mate anga. Kua manata aia i tana au pipi, te angaanga tutu aere, e tona tu tika tikai kia Iehova. Inara, noatu i tona mamae pakari anga i runga i te rakau tamamae, eaa tana i tuatua? I roto i tana au tuatua openga ra, “e taku Metua, e akakore mai koe i ta ratou ara.” (Luka 23:34) Ka rauka rai ia tatou i te aru i to Iesu akaraanga tiama na te akakoreanga i tetai e tetai mei te ngakau.