19:11​—Te taiku ra ainei a Iesu ia Iuda Ikariota i tona tuatua anga kia Pilato no runga i te tangata tei tuku atu Iaia kiaia ra? Kare tikai ko Iuda tana e tuatua ra me kore ko tetai tangata ke, i te akaraanga te manako ra a Iesu i te aronga katoatoa tei apa no te ta anga iaia. Te kapiti maira teia ia Iuda, i ‘te kau taunga nunui ra, e te Sunederi katoa,’ e “te tangata tini” katoa tei akakeuia kia pati atu kia tataraia mai a Baraba.​—Mata. 26:59-65; 27:1, 2, 20-22.

21:15, 19. Kua patiia kia Petero me e maata atu tona anoano ia Iesu “i teia,” koia oki, ko te ika tei tukunaia mai ki mua ia ratou. No reira kua akakite pakari a Iesu i te anoano kia iki a Petero i te aru tamou iaia kare e kia aruaru i te angaanga ravakaianga. I muri ake i te akamanakoanga i te au papaanga Evangeria, kia akaketaketaia tatou i roto i ta tatou tautaanga kia maata atu to tatou anoano no Iesu i tetai ua atu au apinga te ka akareka mai ia tatou. Ae, e aru tatou iaia ma te ngakau katoa.