2. Eaa tei akaia ki roto i te ngakau tangata nei, e no reira eaa ta tatou e tatau i te au Tuatua Tapu no te reira?

² Te akaari maira te tangata i tetai tu akono anga nona uaorai. E tu takake tona tei akaia ki roto i tona ngakau. (Mataio 12:34, 35; 15:18-20) E no reira, ka tatau tatou no tetai tangata “e tamaki ra tei tona ngakau.” (Salamo 55:21) Kua akakitea mai kia tatou e “te tangata riri maata ra, e maata ïa tana ara.” E ka tatau tatou: “Te vai ra te au taeake te ka akangaangaa tetai i tetai kia pueurikiriki, inara te vai ra te oa tei piri meitaki atu i to te taeake.” (Maseli 18:24, NW; Maseli 29:22) E mea mataora rai, e manganui tei aite atu ki etai Etene i Anetioka i Pisidia i taito ra. I te akarongo anga i ta Iehova akakoroanga no te ora, “mareka rava atura ratou, e akameitaki atura oki i te tuatua a te Atu [ko Iehova]; e te aronga i akonoia no te ora mutu kore ra, kua akarongo anake ïa.”​—Angaanga 13:44-48.

⁴ E viivii kore a roto i te aronga tei ma te ngakau. E ma to ratou arikianga, te inangaro, te anoano, e te akakoroanga. (1 Timoteo 1:5) Te kite nei ratou i te Atua i teianei i te mea te akara ra ratou i tana angaanga e rave nei no te aronga tiratiratu. (Akaaiteia atu kia Exodo 33:20; Iobu 19:26; 42:5.) Ko te tuatua Ereni tei uriia e, e “kite” te tau katoa ra tona aite anga “e kite manako, kia taka meitaki, e kia marama.” I te mea kua akakite meitaki mai a Iesu i to te Atua tu, kua rekareka te aronga “tei mā te ngakau,” i te kite oonu anga i tona tu, ko ratou tei akono i te akarongo i te Mesia e i tona atinga tarangaara, kua akakoreia ta ratou ara, e kua oronga ratou i te akamori anga marekaia mai e te Atua ra. (Ioane 14:7-9; Ephesia 1:7) No te aronga akatainuia ra, ka tae ki te take to ratou kiteanga i te Atua, kia akatu akaouia ratou ki te rangi, ko te ngai ia e kite tikai ratou i te Atua e te Mesia katoa. (2 Korinetia 1:21, 22; 1 Ioane 3:2) Inara ko te kiteanga i te Atua na roto i te kite manako tikai e te akamori mou ka rauka ia i te aronga katoatoa tei ma te ngakau. (Salamo 24:3, 4; 1 Ioane 3:6; 3 Ioane 11) E tu akono tau to ratou no te ora mutu kore i te rangi me kare ki runga i te enua parataito.​—Luka 23:43; 1 Korinetia 15:50-57; 1 Petero 1:3-5.

5. Akapeea e rauka uaʼi i tetai kia riro mai ei tangata irinaki e ei pipi mou na Iesu Mesia?

⁵ Ko te aronga kare i te tu akono tau no te ora mutu kore kare rava ratou e riro ei aronga akarongo. Kare e rauka ia ratou te akono i te akarongo. (2 Tesalonia 3:2) Pera katoa oki, kare e rauka kia riro tetai ei pipi mou na Iesu Mesia me kare aia i te tu tau kia apiiia e na Iehova te kite ra eaa te tu o tona ngakau, nana e kika mai iaia. (Ioane 6:41-47) Inara, i te tutuanga i tera are i tera are, kare te au Kite o Iehova e rave i te akava anga i tetai na mua. Kare e rauka ia ratou i te tatau i te ngakau mari ra ka akaruke atu na roto i te rima aroa o te Atua.