A Koe ‘te Takatakai ra Ainei i te Ko’?

I TE au tuatau Pipiria, ko tetai ko​—e rakau roaroa, kua akakoiia a mua ma tetai ko auri keokeo​—kua taangaangaia ei akaneke e te arataki anga i te au manu te uuti ra i te apainga teiaa. Me patoi marokiakia te manu i te au koko anga a te ko na te opara anga i te reira, eaa te ka tupu? Kare e rauka mai te akaangaroi, te tamamae ua ra te reira iaia uaorai.

Kua tuatua a Iesu Karaiti tei akatuia mai i te au ko te mama mai anga aia ki te tangata kia Saula, tei aere atura i te opu mai i etai o ta Iesu au pipi. Mei roto i tetai marama akapoiri ra, kua rongo atu a Saula ia Iesu i te karanga anga e: “E Saula, e Saula, eaa koe i takinga-kino mai ei iaku? e mea ravengata naau kia takatakai i te ko.” Na te takinga kino anga i te au Kerititiano, te tamaki atura a Saula i te Atua, te aruaru anga i te mataara te ka tamamae ua iaia uaorai.​—Angaanga 26:14.

Ka manako kore katoa ainei tatou i te “takatakai i te ko”? Kua akaaite te Pipiria i “te tuatua a te aronga pakari” ki te au ko te koko ra ia tatou kia neke ki mua i roto i te mataara tika. (Koheleta 12:11) Ka rauka i te ako akauruia i roto i te Tuatua a te Atua i te akakeu e te arataki meitaki ia tatou​—me ka akatika tatou i te reira. (2 Timoteo 3:16) Te patoi anga i ta te reira au koko anga ra ka tamamae ua ia tatou.

Kua tamou ngakau a Saula i te au tuatua a Iesu, kua taui i tona aerenga, e kua riro mai ko te apotetoro Kerititiano ko Paulo akaperepereia ra. To tatou akarongo anga ki te ako tu-Atua ra ka apai katoa mai kia tatou te au akameitaki anga mutu kore.​—Maseli 3:1-6.

[Akameitakianga no te Tutu i te kapi 32]

L. Chapons/Illustrirte Familien-Bibel nach der deutschen Uebersetzung Dr. Martin Luthers