E Atua mako tikai a Iehova. (1 Korinetia 14:33) No reira ka anoano katoaia tona iti tangata kia mako. Akapeea te putuputuanga Kerititiano te akaaereia anga? Eaa ta tatou ka rave kia puapingaia te reira?

1. Koai te upoko o te putuputuanga?

Ko “te Mesia katoa ra te upoko ïa i te ekalesia.” (Ephesia 5:23) Te arataki ra aia i te iti tangata o Iehova i te ao katoa, mei te rangi mai. Kua iki a Iesu i “te tavini akono meitaki e te pakari”​—e pupu aronga pakari meangiti ua e te tukatau tei kapikiia ko te Pupu Akaaere. (E tatau ia Mataio 24:​45-47.) Mei te au apotetoro e te aronga pakari i Ierusalema i te anere mataiti mua, ka arataki te Pupu Akaaere i te putuputuanga i te ao katoa. (Angaanga 15:2) Inara kare ko teia au taeake, te au arataki o te akaaereanga. Ka aru ratou i ta Iehova arataki anga e tana Tuatua, e ka kauraro ratou kia Iesu ei upoko.

2. Eaa te tuanga angaanga a te aronga pakari?

E au Kerititiano tukatau te aronga pakari, tei apii i te au Tuatua Tapu e te tiaki i to Iehova iti tangata na te tauturu anga e te akamaroiroi anga ia ratou. Kare ratou e tutakiia ana no ta ratou angaanga. Mari ra, te tavini ra ratou “no te anoano ra [i te Atua]; auraka no te apinga tika kore ra kia rauka, no te tae tikai ra o te ngakau.” (1 Petero 5:1, 2) Ka turuturu te au tavini tauturu i te aronga pakari, e i muri mai penei ka rauka ia ratou te tavini ei aronga pakari.

Na te Pupu Akaaere e akanoo ana i te aronga pakari ei au akaaere kotinga. Ka atoro ratou i te au putuputuanga tukeke no te arataki e te akamaroiroi ia ratou. Ka akanoo ratou i te aronga pakari e te au tavini tauturu, kia tau ki te au aratakianga a te Tuatua Tapu.​—1 Timoteo 3:​1-10, 12; Tito 1:​5-9.

3. Eaa te tuanga angaanga a te Au Kite o Iehova?

Ka “akameitaki [te au putuputuanga katoatoa] i te ingoa o Iehova” na te piri anga ki roto i te au uipaanga e te tutu aere tei tau ki to ratou turanga.​—E tatau ia Salamo 148:​12, 13.

KIMI OONU

4. E arataki takinga meitaki a Iesu

Oronga mai a Iesu i tetai patianga manea kia tatou. E tatau ia Mataio 11:​28-30, e oti uriuri i teia uianga:

• Eaa ta Iesu e inangaro maira kia akamanako tatou i tana aratakianga?

VITIO: Tauturu te Aronga Pakari i te Tumatetenga Ngaruerue Enua i Nepal (4:56)

Apii meitaki mai te Pipiria akapeea te aronga pakari me rave i ta ratou angaanga.

E tatau ia Isaia 32:2 e 1 Petero 5:​1-3, e oti uriuri i teia au uianga:

• Mei ia Iesu rai, eaa toou manako me kite koe e te akono meitaki ra te aronga pakari i tetai ke?

• Eaa tetai au ravenga ke e aru ana te aronga pakari i to Iesu tu?

5. Apii te aronga pakari ma te akaraanga meitaki

VITIO: Ka Arataki te Aronga Pakari! (7:39)

Kua akanoo a Iesu i te akaraanga no te aronga pakari kia arataki i te putuputuanga. E tatau ia Mataio 23:​8-12, e oti uriuri i teia uianga:

• Eaa taau i umere no te akaraanga o te aronga pakari i roto i te Pipiria, e eaa taau i kite mei te au arataki akonoanga?

1. A. Akono te aronga pakari ia ratou uaorai e to ratou pamiri kia maroiroi i te pae vaerua

2. E. Akono te aronga pakari i te katoatoa i roto i te putuputuanga

3. NG. Tutu aere putuputu te aronga pakari

4. I. E puapii te aronga pakari. Tauturu ratou i te angaanga tāmā e te vai atura

6. Ka taokotai tatou ki te aronga pakari

Oronga mai te Pipiria i te tumu puapinga kia taokotai tatou ki te aronga pakari. E tatau ia Ebera 13:17, e oti uriuri i teia au uianga:

• E tau ainei e te akamaroiroi maira te Pipiria ia tatou kia akarongo e kia kauraro ki te au arataki? Eaa ra, e eaa ka kore ei?

E tatau ia Luka 16:10, e oti uriuri i teia uianga:

• Eaa i puapinga ai kia taokotai ki te aronga pakari noatu e au mea rikiriki ua te reira?

APIIANGA

Ko Iesu te upoko o te putuputuanga. Ka mataora ua tatou i te taokotai ki te aronga pakari te tavini ra i raro ake i tana akatere anga no te mea e akaraanga meitaki to ratou e te takinga meitaki.

Uriurianga

• Koai te upoko o te putuputuanga?

• Akapeea te aronga pakari me tauturu i te putuputuanga?

• Eaa te tuanga angaanga a tetai tei akamori ia Iehova?

KIMI KIMI

Akara eaa ta te Pupu Akaaere e te aronga pakari e manata nei no te au Kerititiano i teia tuatau.

Kia Taokotai ua me Tupu Tetai Arai Anga (4:22)

Apii kia kite i te angaanga a te au akaaere kotinga.

Te Oraanga o Tetai Akaaere Kotinga i te Ngai Mamao (4:51)

Apii kia kite i te angaanga a te au vaine i roto i te putu-putuanga.

“E Taangaanga Ana Ainei te Au Kite o Iehova i te au Vaine ei au Orometua?” (Te Punanga Tiaki, Okotopa 1, 2012)

Akara akapeea te aronga pakari me akamaroiroi i te au taeake.

“Aronga Pakari Kerititiano​—‘Ei Tauturu ia Tatou Kia Rekareka’” (Te Punanga Tiaki, Tianuare 15, 2013)

1. Eaa te akoanga Pipiria ki te au tane?

Kua iki a Iehova i te au tane ei upoko no te ngutuare. (E tatau ia Ephesia 5:23.) Inangaro a Iehova i te au tane kia iki i te au ikianga puapinga no tona ngutuare. Karanga ra te Pipiria ki te au tane: “E te au tane ra, e aroa atu kotou i ta kotou au vaine.” (Ephesia 5:25) Eaa te aiteanga o teia? Ka akaperepere te tane i tana vaine, i te kainga e te ngai tangata. Ka paruru iaia mei te kino e ka akono iaia i te pae kopapa e te manako ngakau. (1 Timoteo 5:8) Te mea maata, ka akono aia i tona anoano i te pae vaerua. (Mataio 4:4) Ei akaraanga, ka pure e ka tatau kapiti raua ko tana vaine i te Pipiria. Me akaperepere tetai tane i tana vaine, te akono ra aia i tona pirianga oa kia Iehova.​—E tatau ia 1 Petero 3:7.

Ko Iesu te Upoko o te putuputuanga Kerititiano. (Ephesia 5:23) I teia rā, mei tona taoonga i te rangi, te arataki nei a Iesu i tana au pipi i te enua nei na roto i tetai “tavini akono meitaki e te pakari.” (E tatau ia Mataio 24:45.) No te mea na Iesu i iki ia ratou, e mana arataki to te “tavini,” inara ka tavini ratou ia Karaiti pera te au taeake o Karaiti? Koai ra teia tavini? Akapeea teia tavini te akono anga ia tatou?