• Auraka e Akatakake i ta te Atua i Topiri
    Te Punanga Tiaki—2007 | Me 1

    • 13. Eaa te au kaveinga te vai ra i roto i te Pipiria te ka tauturu i te au vaine?

      13 Te vai katoa ra i roto i te Pipiria te au kaveinga te ka tauturu i te au vaine. Te karanga ra a Ephesia 5:22-24, 33 e: “E te au vaine noo tane ra, e kauraro kotou ki ta kotou uaorai au tane, mei ta kotou e kauraro i te Atu ra. Ko te tane oki te upoko o te vaine, mei te Mesia katoa ra te upoko ïa i te ekalesia; ko te ora oki aia no taua kopapa nona nei. E teianei mei te ekalesia e kauraro i te Mesia nei, koia katoa oki te au vaine ki ta ratou uaorai au tane i te au mea katoa nei. . . . E [“kia akangateitei ma te oonu te vaine,” NW] i tana tane.”

  • Auraka e Akatakake i ta te Atua i Topiri
    Te Punanga Tiaki—2007 | Me 1

    • 15. Eaa ra tetai akoanga no te au vaine tei kiteaia i roto i te Pipiria?

      15 Kua akakite katoa a Paulo e ko te vaine ra ‘kia akangateitei ma te oonu i tana tane.’ Kia akaari te vaine Kerititiano i “te ngakau maru e te muteki ua,” kare e akaao ngakau parau atu i tana tane me kore kia rave i tetai aerenga takake. (1 Petero 3:4) Ka angaanga pakari tetai vaine akono tau i te Atua no te oraanga o te ngutuare e ka apai mai i te ngateitei ki tona upoko. (Tito 2:4, 5) Ka tauta aia i te tuatua meitaki no tana tane e no reira kare e rave i tetai apinga te ka akariro i tetai ke kia akangateitei kore iaia. Ka angaanga pakari katoa aia kia puapingaia tana au ikianga.​—Maseli 14:1.

      16. Eaa ta te au vaine Kerititiano ka kite mai mei te au akaraanga o Sara raua ko Rebeka?

      16 Ko tetai ngakau maru e te muteki ua kare te aiteanga e kare o te vaine Kerititiano ra manako me kore kare e puapinga ana tona au manako. Ko te au vaine akono tau i te Atua i taito ra, mei ia Sara raua ko Rebeka, kua tamata na te akakite anga i to raua manako no runga i te au tumu manako, e te akaari maira te rekoti i roto i te Pipiria e kua akatika a Iehova i ta raua angaanga. (Genese 21:8-12; 27:46–​28:4) Ka rauka katoa i te au vaine Kerititiano i te akakite i to ratou au manako ngakau. Inara, e rave ratou i te reira ma te tu akono meitaki, kare e na roto i te au reo taakaaka anga. Penei ka kite mai ratou e e mea mareka atu e e mea tau atu taua komunikeitianga ra.