² Me apii tetai tangata no runga ia Iehova e kua manako atu kia papetitoia, ka tupu ua atu rai tona pirianga ki te Atua. Tona akakoroanga, kia riro mai ei Kerititiano pakari. Kare teia tu pakari e ko te tu ruaine. Mari ra, e tupu anga pae vaerua te reira koia oki, kia rauka tetai pirianga vaitata kia Iehova. Kua inangaro te apotetoro ko Paulo i te au Kerititiano i Ephesia kia rauka te tu pakari. Kua akamaroiroi aia ia ratou kia taokotai i roto i te akarongo e kia apii ua atu no runga ia Iesu ‘kia riro ei tangata pakari, kia taea te aite ra i te ki o te Mesia i te maata.’​—Ephesia 4:13.

3. Akapeea te putuputuanga Ephesia i te aite anga ki te iti tangata o Iehova i teia tuatau?

³ I vai ua ana te putuputuanga Ephesia no tetai au mataiti i te tata anga a Paulo i tana reta kia ratou. E manganui i roto i taua putuputuanga ra e au Kerititiano tau ratou e te pakari. Tera ra, te vai ra tetai aronga kua anoanoia kia matutu mai to ratou pirianga kia Iehova. Pera katoa i teia tuatau, e manganui te au taeake e te au tuaine tei tavini ia Iehova no tetai tuatau roa e kua riro mai ei au Kerititiano pakari. Inara, kare tetai pae i roto i te au putuputuanga i tae ake ki te reira turanga. Ei akaraanga, e tauatini ua atu te papetitoia ra i te au mataiti tataki tai, no reira te anoanoia ra rai tetai pae kia tupu ma te pakari. Akapeea koe?​—Kolosa 2:6, 7.

⁵ E aru ana tetai Kerititiano pakari ia Iesu e “tona takainga vaevae.” (1 Petero 2:21) Kua tuatua a Iesu e e puapinga tikai no tetai tangata kia inangaro ia Iehova ma tona ngakau katoa, tona vaerua katoa, e tona manako katoa e kia inangaro i tona tangata tupu mei iaia uaorai. (Mataio 22:37-39) Ka tauta tetai Kerititiano pakari i te akono i te reira akoanga. Te akapapu maira tona tu oraanga e e mea puapinga rava atu kiaia tona pirianga kia Iehova e tona inangaro oonu no tetai ke.