Akono i te au Vaine Pakari Mei te Metua Vaine, e te au Vaine ou Mei te Tuaine

Akakite mai te Pipiria kia akono i te au Kerititiano pakarikari mei to tatou metua vaine e te metua tane, pera katoa te au mapu mei te tungane me kore tuaine. (E tatau ia 1 Timoteo 5:1, 2.) Inara, ka anoanoia te au taeake kia akangateitei i te au tuaine.

Kare rava tetai taeake e akameamea me kore e rave i tetai peu te ka taakama i tetai tuaine. (Iobu 31:1) Kare tetai taeake tei kore i akaipoipo e arataki ke i te manako ngakau o tetai tuaine kia manako e te akainangaro ra te taeake iaia.

Ka akarongo meitaki te aronga pakari ki te au tuaine me ui mai ratou i tetai uianga me kore me akakite mai i tetai manamanata tei anoanoia kia akaraia. Ka inangaro katoa te aronga pakari kia akono meitaki e te paruru i te au tuaine kare a ratou tane.​—Ruta 2:8, 9.

AKARA I TE VITIO AKAARI I TE AROA MOU I ROTO I TE PUTUPUTUANGA​—KI TE AU VAINE TAKAUA E KARE E METUA TANE, E OTI PAU I TEIA AU UIANGA:

• 

  Akapeea te putuputuanga te akaari anga i te aroa mou ki te Tuaine ko Myint?

• 

  Akapeea te aroa tei akaariia e te putuputuanga te riro anga ei akaraanga meitaki ki te oire?

• 

  Akapeea te aroa tei akaariia e te putuputuanga te akamaroiroi anga i te nga tamaine a te Tuaine ko Myint?

Eaa tetai au mataara ka rauka ia koe i te akaari i te tu aroa no te au tuaine i roto i taau putuputuanga?