• Ka Riro Koe ei Oa no Iehova
    Oraanga Mataora e Tuatau Ua Atu!—Uriurianga Apii Pipiria

    • Ka Riro Koe ei Oa no Iehova

      Ka inangaro a Iehova kia kite meitaki koe iaia. Eaa te tumu? Te manakonako nei aia i te maata o taau i kite i tona au tu, tona au aerenga, e tona akakoroanga, i reira koe e riro ei ei oa nona. Ka riro ainei koe ei oa no te Atua? (E tatau ia Salamo 25:14.) Eaa taau ka rave kia riro ei oa nona? Te pau ra te Pipiria i teia au uianga e ka akaari eaa i puapinga ai toou pirianga oa kia Iehova.

      1. Eaa ta Iehova patianga kia koe?

      “E akavaitata atu ki te Atua e nana e akavaitata mai kia [koe] na.” (Iakobo 4:8) Eaa te aiteanga o teia? Te pati nei a Iehova ia koe kia riro ei oa nona. Te ngata ra i tetai pae i te akapiri vaitata ei oa ki te Atua, kare ratou i kite mata. Inara, i roto i tana Tuatua, te Pipiria, te akakite ra a Iehova i te au mea ka anoanoia kia piri vaitata atu kiaia. Me tatau tatou i te karere a te Atua i roto i te Pipiria, ka tupu to tatou pirianga oa kiaia.

      2. Eaa a Iehova ka riro ei ei Oa piri mou noou?

      Te akaperepere ra a Iehova ia koe. Te inangaro ra aia kia mataora koe e kia aere kiaia no te tauturu. Ka rauka ia koe i te ‘uri i toou tumatetenga katoa kiaia; koia oki te tiaki mai ia koe.’ (1 Petero 5:7) Te anoano ra a Iehova i te tauturu, te akapumaana, e te akarongo ki tona au oa.​—E tatau ia Salamo 94:​18, 19.

      3. Eaa ta Iehova e tapapa maira i tona au oa?

      Akaperepere a Iehova i te tangata, “tei te aronga tuatua-tika ra” Tona pirianga oa. (Maseli 3:32) Te tapapa maira a Iehova i tona au oa kia rave i te meitaki e kia kopae i te kino. Penei te manako ra tetai pae e ngata i te aru i te au turanga a Iehova no te meitaki, e kia kopae i te kino. Inara, e ngakau tangi aroa to Iehova. Te mareka ra aia i te aronga tei akaperepere Iaia e te tauta i te akamareka Iaia.​—Salamo 147:11; Angaanga 10:​34, 35.

      KIMI OONU

      Apii maata atu akapeea koe me riro ei oa no Iehova, e ka riro aia ei Oa piri mou noou.

      4. E oa a Aberahama no Iehova

      Te oronga maira te tua Pipiria o Aberahama (kapiki katoaia ko Aberama) akapeea me riro ei oa no te Atua. E tatau no Aberahama ia Genese 12:​1-4. E oti uriuri i teia au uianga:

      • Eaa ta Iehova i pati ia Aberahama kia rave?

      • Eaa ta Iehova i taputou kiaia?

      • Akapeea a Aberahama te akarongo anga i ta Iehova ako anga?

      5. Eaa ta Iehova e pati maira i tona au oa

      E tapapa ana tatou i tetai au mea mei te au oa.

      • Eaa taau ka inangaro i toou au oa kia rave noou?

      E tatau ia 1 Ioane 5:3, e oti uriuri i teia uianga:

      • Eaa ta Iehova e tapapa maira i tona au oa?

      Kia akarongo kia Iehova ka anoanoia tatou kia taui i to tatou tu e te au peu. E tatau ia Isaia 48:​17, 18, e oti uriuri i teia uianga:

      • Eaa a Iehova i pati ei i tona au oa kia rave i te au taui anga?

      Oronga te tangata akatu are i te pare paruru ki te oa angaanga.

      Ka akakite mai te oa meitaki i te au mea ka paruru ia tatou e ka puapingaia tatou. Ka pera katoa a Iehova

      6. Eaa ta Iehova ka rave no tona au oa

      Ka tauturu a Iehova i tona au oa kia akakoromaki i te manamanata. Akatangi i te VITIO, e oti uriuri i teia uianga.

      VITIO: Maata ua Atu ta Iehova i Rave Noku (3:20)

      • Akapeea a Iehova te tauturu anga i te vaine i roto i te vitio kia akakoromaki i te manako ngakau tau kore?

      E tatau ia Isaia 41:​10, 13, e oti uriuri i teia au uianga:

      • Eaa ta Iehova i taputou ka rave no tona au oa?

      • I toou manako ka riro ainei a Iehova ei Oa meitaki noou? Eaa ra?

      Tutu: Tauturu te nga oa piri mou i tetai e tetai. 1. Tauturu tetai tangata i tetai no te neke i te kaingakai. 2. Tuatua rikiriki tetai vaine ki tetai. 3. Tauturu tetai tangata i tetai i te aaere ma tona tokotoko.

      Ka tauturu te au oa piri mou ia koe. Ka pera katoa a Iehova

      7. Ei oa no Iehova ka karangaranga tatou kiaia

      Me karangaranga ka akamatutu te reira i te pirianga oa. E tatau ia Salamo 86:6, 11, e oti uriuri i teia au uianga:

      • Akapeea tatou me karangaranga kia Iehova?

      • Akapeea a Iehova me karangaranga mai kia tatou?

      Tutu: 1. Pure tetai vaine. Te tou ra te ara ki runga. 2. Tatau te vaine i te Pipiria. Te tou ra te ara ki raro.

      Ka tuatua tatou kia Iehova na roto i te pure; ka tuatua mai aia na roto i te Pipiria

      KARANGA TE TANGATA: “E ngata i te piri vaitata ki te Atua.”

      • Eaa te irava ei akaari e ka rauka te pirianga oa kia Iehova?

      APIIANGA

      Ka inangaro a Iehova ia koe ei Oa nona e kia piri vaitata kiaia.

      Uriurianga

      • Akapeea a Iehova me tauturu i tona au oa?

      • Eaa a Iehova i akakite ei ki tona au oa kia rave i te au taui anga?

      • I toou manako e maata ta Iehova e tapapa maira i tona au oa? Eaa ra, e eaa ka kore ei?

      Akakoroanga

      KIMI KIMI

      Akapeea te pirianga oa ki te Atua me taui i toou oraanga?

      “Iehova​—E Atua Tau kia Kiteia” (Te Punanga Tiaki, Peperuare 15, 2003)

      Apii akapeea me akamata i tetai pirianga oa ki te Atua.

      “Akapeea Au me Riro ei Oa no te Atua?” (Ui te au Mapu E​—Au Pauanga ka Puapingaia, Voriumu 2, pene 35)

      Akamanako i ta tetai vaine i karanga e kua riro tona pirianga oa kia Iehova ei akaora iaia.

      “Kare Au e Inangaro i te Mate!” (Te Punanga Tiaki Nu. 1 2017)

      Akarongo i te au manako o te mapu no Iehova.

      Eaa te Aiteanga Kia Riro ei Oa no te Atua? (1:46)