Ta te Patireia ka Akatupu

Te tutara nei te Patireia o te Atua. Kare e roa, ka akatupu te reira i te au taui anga maata i te enua nei. Ka akara ana tatou i tetai au mea meitaki taau ka tapapa atu i raro ake i te tutara anga a te Patireia.

1. Akapeea te Patireia o te Atua me akatupu akaou i te ‘au e te tu tika i te enua nei?

Ka takore a Iesu, te Ariki o te Patireia o te Atua, i te aronga kino e te au kavamani i te tamaki o Aramagido. (Apokalupo 16:​14, 16) A te reira tuatau, ka akatupuia teia taputou Pipiria: “E roa poto ake, e kare ua te tangata kino ra.” (Salamo 37:10) Na roto i te Patireia, ka akatupu a Iesu i te ‘au e te tu tika i te enua nei.​—E tatau ia Isaia 11:4.

2. Mei teaa te tu o te oraanga me tupu to te Atua anoano i te enua nei?

I raro ake i te tutara anga a te Patireia o te Atua, “ka riro te enua no te aronga tuatua-tika, ka noo tamou rai ratou i reira.” (Salamo 37:29) Akamanako i te oraanga i te enua me akaperepere te aronga tuatua tika ia Iehova e ratou katoa! Kare e maki e ka ora te katoatoa e tuatau ua atu.

3. Eaa ta te Patireia o te Atua ka akatupu me takoreia te aronga kino?

Me takoreia te aronga kino, ka tutara a Iesu ei Ariki no te 1,000 mataiti. A te reira tuatau, ka tauturu a Iesu e tona au taeake tutara e 144,000 i te tangata i te enua nei kia rauka te turanga apa kore. I te openga o te reira tuatau, ka akariroia te enua ei parataito manea, ma te iti tangata mataora no te mea kua aru ratou i te au ture a Iehova. E oti ka akaoki a Iesu i te mana tutara ki tona Metua, ko Iehova. I reira to Iehova ‘ingoa e akatapuia ai.’ (Mataio 6:9, 10) Ka tau rai ko Iehova te Tutara meitaki tei akono i tona iti tangata. Ka takore a Iehova ia Satani, te au temoni, e tetai ua atu tei patoi i Tana tutara anga. (Apokalupo 20:​7-10) Ka vai ua te au turanga meitaki i raro ake i te Patireia o te Atua e tuatau ua atu.

KIMI OONU

4. Ka takore te Patireia o te Atua i te kavamani a te tangata

“Te tutara ra tetai tangata ki rungao i tetai, ei mate nona uaorai.” (Koheleta 8:9) Na roto i tona Patireia, ka takore a Iehova i teia tu tika kore.

E tatau ia Daniela 2:44 e 2 Tesalonia 1:​6-8, e oti uriuri i teia au uianga:

• Eaa ta Iehova e tana Tamaiti, ko Iesu, ka rave ki te au kavamani tangata e to ratou aronga turuturu?

• Akapeea taau i apii mai no Iehova e Iesu te akapapu anga e ka rave raua i tei tau e te meitaki?

5. Ko Iesu te Ariki meitaki rava atu

Ei Ariki no te Patireia o te Atua, e maata ta Iesu ka rave kia puapinga tona iti tangata i te enua nei. Akatangi i te VITIO akara akapeea a Iesu te akaari anga kua rauka iaia te anoano e te ririnui no ko mai i te Atua kia tauturu i te tangata.

VITIO: Akaari a Iesu i ta te Patireia ka Akatupu (1:13)

Iaia i te enua nei, kua akaari a Iesu i ta te Patireia ka akatupu. Eaa te au akameitakianga taau e tapapa atura? E tatau i te au irava no teia au akameitakianga.

6. Akatupu te Patireia o te Atua i te oraanga mataora

VITIO: Oraanga Meitaki a te Tuatau ki Mua (4:​38)

E tatau ia Salamo 145:16, e oti uriuri i teia uianga:

• Eaa toou manako me “akamerengo [a Iehova] i te kaki o te au mea ora katoa nei”?

APIIANGA

Ka akatupu te Patireia o te Atua i tona akakoroanga. Ka akariro te reira i te enua ei parataito ma te iti tangata meitaki te ka akamori ia Iehova e tuatau ua atu.

Uriurianga

• Akapeea te Patireia o te Atua me akatapu i te ingoa o Iehova?

• Eaa tatou ka irinaki ei e ka akatupu te Patireia o te Atua i te au taputou a te Pipiria?

• Eaa taau e tapapa atura i te Patireia kia rave noou?

KIMI KIMI

E apii kia kite eaa a Aramagido.

“Eaa te Tamaki o Aramagido?” (Web atikara)

Akara matatio i te au angaanga ka tupu i te tuatau i karanga ai a Iesu e ko te “mate maata.”—Mataio 24:21.

“Eaa te Mate Maata?” (Web atikara)

Akara akapeea te au ngutuare tangata te akamanako anga ia ratou e noo kapiti ra i Parataito.

Kite ia Koe Uaorai i Parataito (1:50)

I roto i te tua “Maata te au Uianga Tei Tamanata Iaku,” akara akapeea te tangata poritiki patoitoi i kite ei i tana au pau anga.

“Taui te Pipiria i te Oraanga” (Te Punanga Tiaki, Tianuare 1, 2012)