Te Maara Ainei ia Koe?

Kua akamanako meitaki ainei koe i te au itiu i ou ake nei o Te Punanga Tiaki? Me koia ia, ka reka koe i te akamaara i te ka aru mai:

◻ Eaa ra kare e tau ana te apii anga predestination?

Naringa te Atua i kite e kua akapapa i to Adamu topa anga ki roto i te ara, kua riro a Iehova e ko te pu no te ara i tana maani anga i te tangata e kua apa tikai aia i te au raveanga kikino a te tangata ravarai e te mamaeanga oki. Kare teia e tau ma te tika e e Atua a Iehova no te aroa tei makitakita ra i te rave kino. (Salamo 33:5; Maseli 15:9; 1 Ioane 4:8)​—4/15, kapi 7, 8.

◻ I te akatupu anga ia Isaia 2:2-4, eaa ta te au tangata no te au enua e manganui e rave nei?

Ia ratou e aere nei ki to Iehova are akamori anga, kua akamutu ke ratou i ‘te apiianga i te tamaki’ no te mea kua tuku ratou i to ratou irinaki anga ki roto i te paruru anga a te au nuku vaeau a te Atua o te rangi ra, kua papa no te tama i te enua nei i te au enemi katoatoa no te au.​—4/15, kapi 30.

◻ Koai ma to te Atua aronga ririnui tei tuatuaia ia Ioela 3:10, 11?

No etai 280 taime i te Pipiria, te tapaia ra te Atua mou ko “Iehova Sabaota.” (2 Ariki 3:14) Ko teia au nuku ko te au angera tini o te rangi, kua papa i te rave i ta Iehova akauenga.​—5/1, kapi 23.

◻ Eaa te apii anga ka rauka ia tatou te apii mai i te umuumu anga a Iehova ia Iobu kia pure no te aronga tei ara iaia ra? (Iobu 42:8)

I mua ake ka akaoki akaouiaʼi a Iobu ki tona tu ora anga kopapa maroiroi, kua umuumu a Iehova iaia kia pure no te aronga tei ara iaia ra. Te akaari maira teia e te umuumu maira a Iehova e kia akakore tatou i te ara a te aronga tei ara mai ia tatou i mua ake ka akakoreia mai ei ta tatou ara. (Mataio 6:12; Ephesia 4:32)​—5/1, kapi 31.

◻ Eaa te aiteanga o ta Iakobo tuatua i te na ko anga: “E tuku atu i ta te akakoromaki ra angaanga kia tika rava”? (Iakobo 1:4)

E angaanga ta te akakoromaki anga kia rave, i tetai “angaanga.” Ta te reira rave anga akatakaia kia akariro ia tatou kia tika rava i te au tu ravarai. No reira, na te tukuanga i te au timataanga kia tupu ua atu ki to ratou openga ma te kore e taangaangaanga i etai tu tau kore i te tuatua tapu kia apai mai ia ratou ki tetai openga viviki, kua timataia e kua tamaia to tatou akarongo i reira.​—5/15, kapi 16.

◻ Eaa ra te Atua i tatari roaʼi no te akakore atu i te au manamanata o te au tangata nei?

E tuke to Iehova manako no te tuatau i to tatou nei. Ki te Atua mutu kore ra, mei te tuatau i to Adamu anga angaia anga e tae ua mai ki teia tuatau nei kare i tae ake ki te epetoma. (2 Petero 3:8) Inara noatu e eaa to tatou manako no te tuatau, te ra tataki tai te ngaro ra te akavaitata atura ia tatou ki to Iehova ra akangateitei anga.​—6/1, kapi 5, 6.

◻ Eaa te akakeu ra i te Au Kite o Iehova?

Te akatupu maira te apiianga a Iehova i etai au tangata takake, kua apiiia kia aroa tetai i tetai e to ratou tangata tupu mei ia ratou uaorai. (Isaia 54:13) Na te aroa i akakeu i te Au Kite o Iehova kia rave tamou i te tutuanga noatu te inangaro koreia maira me kare te takinga kinoanga. (Mataio 22:36-40; 1 Korinetia 13:1-8)​—6/15, kapi 20.

◻ Eaa tei tamanakoia i te tuatua a Iesu: “E uapou ua atu na i te tomo na te ngutupa o iti”? (Luka 13:24)

Te akataka maira ta Iesu tuatua te putotoanga, te akamaroiroianga ia tatou uaorai. Te akakite katoa ra tana tuatua e penei ka kimi etai papaki i te “tomo na te ngutupa” kia tau ua ra ia ratou, i te aerenga ngoie ua tei tau ia ratou. No reira, ka tau tataki tai tatou i te ui, ‘Te oronga ra ainei au iaku uaorai ma te maroiroi e te karape?’​—6/15, kapi 31.

◻ Akapeea te aronga akatuia mai me “akavaia iora taua aronga i mate ra i te au tuatua i tataia ki roto i taua nga buka ra, i ta ratou au angaanga”? (Apokalupo 20:12)

Ko te reira nga puka ra kare i te tataanga no ta ratou au angaanga i topa; i to ratou mate anga kua akamataraia ratou i te au ara ta ratou i rave ia ratou i ora ra. (Roma 6:7, 23) Inara, ka vairai te aronga akatuia mairai i raro ake i te ara a Adamu ra. Ka tika ra, i reira, e ka akanoo mai te reira nga puka ra i te au apiianga tu-Atua ta te katoatoa ka tika kia aru kia puapinga tikaiia mei te atinga o Iesu Karaiti ra.​—7/1, kapi 22.

◻ Eaa te apiianga i roto i te parapore a Iesu no tatou no runga i te tangata tupu Samaria? (Luka 10:30-37)

Te akaari maira ta Iesu parapore e ko tetai tangata tiratiratu tikai ko tetai ia tei kore i akarongo anake i te au ture a te Atua mari ra te aru katoa ra i tona au tu. (Ephesia 5:1) Te akaari katoa maira e ko to tatou tu oaoa ki te tangata tupu e mea tau kia maata atu i te au arairai anga pa enua, peu, e te akonoanga. (Galatia 6:10)​—7/1, kapi 31.

◻ Eaa te au ngai e toru penei ka kite meitaki koe i taau tamariki e kia oronga i te arataki anga ei metua?

(1) E tauturu i ta korua tamariki kia iki i tetai angaanga tau; (2) e akateateamamao ia ratou kia autu i te au manako taitaia i te apii e te ngai angaanga; (3) e akaari kia ratou e akapeea me akamerengo i to ratou au anoano pae vaerua.​—7/15, kapi 4.

◻ Eaa to te Atua akakoroanga i te akaangaroianga “i te rā itu”? (Genese 2:1-3)

Kare te Atua i akaangaroi no te roiroi anga. Mari ra, kua akamutu aia i tana angaanga anga mai anga i te enua nei kia akatupu i tana au mea i akakoro e kia ki i te kaka, ei akapaapaa e ei akangateitei iaia ra.​—7/15, kapi 18.

◻ Eaa te au mataara e toru ka rauka ia tatou i te akono i te tika?

Te mea mua, ka tika tatou kia akono i to te Atua ra au turanga tau. (Isaia 1:17) Te rua, te akono ra tatou i te tuatua tau me akono tatou ia etai ke ra kia tau ki ta tatou i anoano ia Iehova kia akono mai ia tatou nei. (Salamo 130:3, 4) Te toru, ka akakite tatou i te tuatua tei tau ra i te Atua me rave maroiroi ra tatou i te angaanga tutuanga. (Maseli 3:27)​—8/1, kapi 14, 15.