Te Vai Ora

“E KO tei akarongo ra, ka tuatua katoa aia e, E aere mai. E ko tei kaki ra, ka aere mai. E tei anoano ua ra, ka rave ua mai aia i te vai ora.” (Apokalupo 22:17) “Vai ora”​—tera te aite anga pouroa ta te Atua au apinga ei ora no tatou kua akatumuia ki runga i te atinga oko o Iesu Karaiti. Ka rauka teia au apinga, e e mea oronga uaia. Mei teaa atura te umere i te tu meitaki o to tatou Atua! Eaa ra te reira i akatutuiaʼi e te vai?

Na roto tikai i te vai e raukaʼi te tupu anga o te au rau rakau i roto i te one, e na te reira e raukaʼi te oraanga tangata. Me kare e vai, te rau rakau, kare i reira te oraanga tangata e ora. Pera katoa, toou kopapa, e 65 patene vai te reira. Te tuatua katoa ra etai au taote erata i te tamouanga i te reira vaito na te inu anga e 2.4 rita vai i te ra. Pouroa toou au ravenga ora i roto ra​—mei te tavirianga i te kai e tae ua atu ki te titirianga i te repo—​ka umuumuia te vai. Me aere ua koe ma te kore e vai i te epetoma, ka mate koe.

Te aite katoa ra ki te “vai ora” tei rauka ra e tei akamatutu ra i te oraanga pae vaerua. Me kopae tatou i te vai ora, kare o tatou tuatau mutu kore ki mua. (Ioane 3:36) Me ariki tatou i te reira, ka rauka ia tatou te ora mutu kore. No reira te vaine Samaria i ariu aruaru atu ei i to Iesu karanga anga kiaia e: “Kareka te ka inu i te vai orongaia atu e au nei, kare rava atura aia e kaki akaou; ka riro ra taua vai e orongaia atu e au nana ra, ei vai pupui ua i roto iaia, e tika i te pupui anga, e tae ua atu ki te ora mutu kore ra”! (Ioane 4:14) Kia itae tatou ma te aruaru i te rave i te vai ora oronga uaia.

[Akameitakianga no te Tutu i te kapi 32]

Garo Nalbandian