ORAANGA KERITITIANO

Akamaata Atu i to Tatou Karape te Tutu Aere​—Akamaroiroi i Tei Inangaro Kia Aere Mai ki te au Uipaanga

TUMU I PUAPINGA AI: Riro te tuatau o te au uipaanga ei taime tau no tatou kia “imene kia Iehova” e kia “akapaapaa iaia.” (Sala. 149:1) Ko i te au uipaanga, ka apiiia tatou kia rave i Tona anoano. (Sala. 143:10) Ka tupu viviki atu te mārama o te aronga tei āriki mai e te aronga apii Pipiria me aere mai ratou ki te au uipaanga.

PEEA ME RAVE I TE REIRA:

• Oronga viviki atu i te patianga. Eiaa e tiaki kia akamata roaia tetai apii Pipiria.​—Apo. 22:17

• Akamārama ki te aronga tei inangaro e eaa tana ka akarongo e te ka uriuriia i ko i te uipaanga ka aru mai. Ka riro teia ei tauturu: te patianga ki te uipaanga a te putuputuanga, te vitio Eaa te Raveia Ana i ko i te Are Uipaanga Patireia?, e te apii 5 e te 7 o te poroutia To Iehova Anoano

• Oronga i te tauturu. Ka inangaro ainei te aronga tei āriki mai i tetai tauturu kia iki i te kakau tau? Noo ki te pae iaia i ko i te uipaanga e kia akara kapiti korua i taau puka. Akaaravei iaia ki te au taeake

[Tutu i te kapi 7]

PUKA ORONGA NO OKOTOPA: PATIANGA KI TE UIPAANGA A TE PUTUPUTUANGA

Karanga tetai pae tei aere mai ki te uipaanga no te taime mua e: “Tei rotopu tikai te Atua ia kotou.” (1 Kori. 14:25) Roto ia Okotopa, ka tauta tatou i te pati i te au tangata kia aere mai ki te uipaanga i te Tapati. Ka oronga tatou i te patianga ki te uipaanga, e me ka akatika te pu ngutuare, akatangi i te vitio Eaa te Raveia Ana i ko i te Are Uipaanga Patireia? Ka raveia tetai akatutuanga a teia epetoma ki mua.