APII 4

Au Irava

Mataio 22:41-45

MANAKO MAATA: I mua ake ka tatau ei koe i tetai irava, akamārama i te tumu ka tatau ei koe me kore eaa te manako maata i roto i te reira irava.

Akamanako eaa te tumu ka tatau ei koe i tetai irava. I mua ake ka tatau ei koe i tetai irava, akakite eaa te manako maata taau ka inangaro i te tangata kia kite i roto i te irava.

Akara eaa te aerenga manako i roto i tera irava. Me ka akakite koe naai te reira i tuatua me kore naai i tata i te reira, akapapu e kua tano.
Te Pipiria e Tuatua na te Atua. Me tuatua koe ki te tangata e irinaki ana i te Atua, taiku i te Pipiria ei “Tuatua na te Atua,” te ngai ka rauka ia tatou te pakari mou.
Akakeu i te ngakau o te tangata kia inangaro i te tatau i te irava. Ui i tetai uianga e na te irava e pau, taiku i tetai manamanata e na te irava e oronga mai i te ravenga tauturu, me kore akakite i tetai kaveinga Pipiria, te ka riro na te irava e akamārama i te reira.

Akamanako eaa ta te tangata i kite no runga i ta korua e uriuri ra me kore no runga i tetai irava. Tauturu iaia kia mārama meitaki atu i te reira e kia āriki i to te Atua manako.