ATORO AKAOUANGA
APII 9
Tangi Aroa
Kaveinga: “Kia rekareka kotou i te aronga e rekareka ra, ka aue katoa oki i te aronga e aue ra.”—Roma 12:15.
Ta Iesu i Rave
1. Akara i te VITIO, me kore e tatau ia Mareko 6:30-34. E oti akamanako i te au uianga:
a. Eaa a Iesu e tana au apotetoro i inangaro ei kia noo ko ratou anake ua?
e. Eaa tei akakeu ia Iesu kia apii i te tangata?
Eaa te Apiianga Mei ia Iesu?
2. Ka akakeu te tangi aroa ia tatou kia akaperepere i te tangata, e kare kia akakite ua i ta tatou karere.
Aru ia Iesu
3. Akarongo meitaki. E akarongo i tana e tuatua maira. Eiaa e tamanata atu, e kopae i tona manako, tana e apiapi ra me kore tana patoianga. Me akarongo meitaki koe kiaia, te akaari ra koe i toou inangaro iaia e tana e manako ra.
4. Akamanako i te tangata tei akaari i te inangaro. Kia tau ki ta korua pukapuka anga, ui kia koe:
a. ‘Eaa aia i anoanoia ai kia kite i te tuatua mou?’
e. ‘Akapeea te apiianga i te Pipiria me akameitaki i tona oraanga i teianei, e a te tuatau ki mua?’
5. Oronga i te au manako tauturu kiaia. Akaari akapeea te apii Pipiria me pau i tana au uianga e te tauturu iaia.