APII 8

Akatutuanga

Mataio 13:34, 35

MANAKO MAATA: Kia meitaki atu te tu o taau apiianga, taangaanga i te au akatutuanga ei akataka i te au manako puapinga.

Iki i te au akatutuanga māmā i te mārama. Mei ia Iesu rai, e taangaanga i te au apinga meangiti ei akamārama i te au apinga mamaata, e kia taangaanga i te au manako ka māmā i te mārama ei akataka i te au manako e ngata i te mārama. Iki i te au manako tau kia māramaia taau akatutuanga. Kia akapapu katoa e kia akaari mai taau akatutuanga i te apiianga tikai taau e apii ra, kia kore te tangata e manako ekoko i taau apii.

Akara eaa te au mea e tupu nei i teianei ao, tatau i ta tatou au puka, e kia akarongo ki te tu me apii te au taeake tukatau. Me rave koe i te reira, tata i te au akatutuanga te ka tauturu ia koe kia akameitaki atu i te tu o taau apii anga i te tangata. Akono i te reira au akatutuanga no te au tuatau ki mua.
Akamanako eaa te ka tauturu i te tangata. Iki i te au mea ta te tangata e reka ana i te rave e te akarongo, ei akatutuanga naau. Kia akamanako ra e auraka taau akatutuanga e taakama i te tangata me kore kia akariri ia ratou.
Apii i te au manako maata. Akamou i taau akatutuanga ki runga i taau manako maata, kare ki runga i te au manako rikiriki. Akapapu koe e kia maara i te tangata i taau akatutuanga e pera katoa te apiianga.