Izai

10 Parské ou la oubliyé lo Bondié k’i sov aou, ou la pa rapèl aou lo Gran Kap ké lé in protèksion pou ou. Sé pou sa ou fé bann joli karo plantasion é ladan ou plant lo bourjon in létranjé. 11 An plin journé, ou antour out karo plantasion èk in klotur kom k’i fo, é gran matin ou fé jèrm out sémans, mé ou nora poin rien pou rékolté kan ou sra malad é kan doulèr va pa kit aou. 12 Ékout ! Bann pèp an kantité i fé in gran tapaj ! Zot lé déchèné kom la mèr. Lo tapaj bann pèp i fé ! Zot i fé tapaj kom dolo k’i déboul èk fors. 14 Lo soir, zot i gingn kap kap. Mé avan gran matin, zot la disparèt. Ala kosa i ariv sak la pou détrui anou, ala sak i èspas pou sak i dépouy anou.