Akt bann zapot

2 Dayèr pandan la fèt la Pannkot, zot tout té ansanm mèm landroi. 4 Alor, zot tout lété ranpli èk lèspri sin é la komans kozé dan in ta kalité lang, chakèn dapré lo kapasité ké lèspri té done ali. 5 Dann tan-la, bann juif pratikan té sort dan tout nasion in pé partou su la tèr, pou rès su Jéruzalèm. 6 Kan la fé gro dézord-la, in paké domoun la rasanm azot. Tout domoun té sézi, parské chakèn té antand son prop fason kozé ali. 7 Oui, banna té étoné é zot té di : « Té sé bien bann Galiléin lé antrinn kozé-la ? 11 Krétoi é Zarab - nout tout, nou antan azot kozé dan nout lang bann gayar zafèr Bondieu. » 14 Mé Pièr la mèt ali dobout èk lé Onz, é li la di for : « Azot k’i sort Judé, é zot tout k’i abit Jéruzalèm, ala sak i fo zot i koné é ékout bien sak mi sa di azot. 17 Bondié i di : “ É dan bann dèrnié jour, mi va répand in parti mon lèspri dési tout kalité domoun. Alor zot bann garson é zot bann fi va profétizé, é zot bann jèn bonom va gingn bann vizion, é zot bann gramoun va fé bann rèv, 33 Alor, Bondié la fé mont ali dann sièl pou asiz a son droit é li la gingn lèspri sin ké son Papa la promèt ali, é so lèspri ké li la vèrs su nou, sé sa ké zot i oi é zot i antand. 38 Pièr la di azot : « Ropant azot, é pran chakèn zot batèm o non Jézu Kris, komsa zot bann péché lé pardoné, é zot va gingn lèspri sin an kado. 39 Parské la promès lé pou zot é zot marmay, é pou tout sak lé loin, pou tout sak Jéova nout Bondié va apèl koté li. » 40 É li la kontinié koz ankor pou done azot in bon ti lamontraj é li té ankouraj azot kan li té di : « Sort dann mové jénérasion-la. » 41 Alor, sak té kontan aksèp son parol la fé batiz azot, é jour-la néna apépré 3 000 moun la vni disip osi. 42 É zot té kontinié bien suiv lamontraj bann zapot, rasanm azot, manj ansanm é priyé.