Izai
8 Zèrb vèr i sèk, la fleur i flétri, mé la parol nout Bondieu i dur pou toultan. 11 Kom in bèrjé, li va pran soin son troupo. Li va rasanm bann zagno èk son bra é li va port banna su son poitrine. Ti dousman li va kondui son bann brébi k’i done ankor tété zot ti. 12 Kisa la gingn mézur tout dolo la mèr dan son min, é pran la mézur lo sièl dan la grandèr son min ? Kisa la gingn ramas tout la pousièr la tèr pou konèt son poi oubien la mèt bann montagn é bann piton dési in balans ? 13 Kisa la konpri lo fason pansé Jéova é kisa i pé konsèy ali é amont ali ? 14 Avèk kisa li la parti rod konsèy ? Kisa la aprann ali kosa i lé la justis é la amont ali la konésans, oubien la amont ali koman aji avèk lintélijans ? 26 Lèv zot zié é rogard dann sièl. Kisa la fé bann zafèr-la ? Sé sak i dirij larmé la inn par inn ; li apèl azot chakèn par zot non. Kom li néna in gran kantité lénèrji vif èk in fors inkroiyab, sé pou sa mèm i mank pa in sèl. 28 Ou koné pa ? Ou la pa antand ? Jéova, lo Kréatèr tout la tèr, lé Bondié pou toultan. Jamé li lé fatigé, jamé li pèrd la fors. Na poin pèrsone i pé konèt son lintélijans. 29 Li done la fors sak lé fatigé é li done lénèrji sak na poin la fors. 31 mé sak i èspèr an Jéova va rotrouv la fors. Zot va élèv azot komsi zot lavé bann zèl, kom bann zègl. Zot va kouri é va pa fatig azot ; zot va marché é va pa fatig azot. »