Izai

42 Ala mon sèrvitèr ké na mon soutien ! Sak ma la choizi é k’i kontant mon kèr ! Ma la done ali mon lèspri sin ; li va amèn la justis bann nasion. 2 Li kri arpa, li koz arpa for, é li fra pa antann son voi dann chemin. 3 Li krazra pa lo rozo ké lé pliyé é li étèn arpa la mèch k’i fum ankor. Li va aport la justis par son fidélité. 4 Li va pa vni fèb ni kourb ali, juska tank li mèt la justis su tout la tèr. Bann zil i atann son lamontraj. 5 Ala sak lo vré Bondié, Jéova, lo Kréatèr lo sièl é lo Gran Bondié ké la rouv sièl-la, sak la fé la tèr é tout sak néna désu, sak i done lo souf bann domoun su la tèr é lèspri pou sak i march, i di : 8 Sé moin Jéova. Sé sa mèm mon non ; mi done pa mon gloir pèrsone ni mon louanj bann lèstatu. 9 Alala, bann premié zafèr la arivé ; astèr mi anons azot dot nouvo zafèr. Mi fé konèt azot sa avan ke bann zafèr la i ariv. » 14 Mi té di té pa rien é mi té kontrol amoin.