Matié

16 « Parkont, zot zieu lé ereu parske zot i voi, é zot zorèy parske zot i antan. 18 « Astèr, ékout kosa i ve dir légzanp lom ke la semé : 19 Sak té sèmé dann bor chemin, sé in moun k’i antan la parol lo roiyom, mé k’i konpran pa li. Alor lo méchan i vien é i arach sak té sèmé dan son kèr. 23 Sak la été semé su le bon tèr, sé in moun ki antan la parol, i konpran ali é i komans donn bann frui — inn 100 foi plus, lot 60 foi plus, é lot ankor 30 foi plus . » 33 Li la donn banna in not légzanp : « Le roiyom dann sièl lé parèy le levur ke in madam i pran é i mélanj avèk troi gran mezur la farinn, é tout la pat la levé. » 34 Jézu té ansèrv bann zégzanp pou di tout bann zafèr-la lo foul domoun. Lé vré, kan li té koz èk zot, li té ansèrv toultan bann zégzanp. 44 « Lo roiyom dann sièl lé kom in trézor kachièt dan in karo bitasion. In bonom la trouv ali é li la parti kachièt ali ankor in kou. Tèlman li lé kontan, li la parti vand tout sak li néna pou alé achèt lo karo bitasion. 45 « Lo roiyom dann sièl lé parèy osi in marchan k’i rod bann joli pèrl. 46 Dèk li la trouv in pèrl ké néna in bonpé la valèr, li la kour vand tout sak li néna pou achèt ali. 52 Li la di ankor : « Par rapor sa, i fo zot i koné ke apré ke li té finn resoi lansègnman konsèrnan le roiyom dann sièl, in lansénian lé parèy le mèt la kaz ki tir dan son trézor bann nouvo zafèr é bann zansien zafèr. » 54 Li la parti dan son landroi é li la komans done domoun in lamontraj dan zot sinagog. Banna la rès bèt é zot té di : « Par koman bonom-la néna la sajès komsa don ? Par koman li gingn fé mirak komsa li ? 55 La pa li mèm garson charpantié sa ? La pa Mari son momon, é Jak, Jozèf, Simon èk Juda la pa zot mèm son bann frèr ? 56 É tout son bann sèr i viv pa isi mèm ansanm nou sa ? Bé alor, par koman li gingn fé tousa la li ? » 57 É zot té rofiz kroir an li. Jézu la di azot : « In profèt néna lonèr partou sof dan son landroi é dan son kaz. »