Luk

12 Néna in jour, li la parti dan la montagn pou priyé, é la li la pas tout la nuit pou pri Bondié. 13 Kan la ariv gran matin, li la di son bann disip vien. An parmi zot li la choizi 12, é li la apèl banna bann zapot. 15 Matié, Toma, Jak garson Alfé, Simon ké té di d’li « in moun i done paké », 16 Juda garson Jak, é Juda Iskariot, ké va vni in trèt. 22 « Kan domoun i détès azot, i bord azot su koté, i done azot kozman é i sali zot réputasion akoz lo Garson d’moun, zot lé éré. 24 « Mé malèr su zot ké lé rich, parské zot la fine gingn tout zot konsolasion. 25 « Malèr su zot ké lé rasazié koméla mèm, parské zot nora fin. « Malèr su zot k’i rir koméla mèm, parské zot sra an dèy é zot va pléré. 26 « Malèr su zot kan tout bann domoun i koz an bien su zot, parské sa mèm zot bann zansèt té fé pou bann fo profèt. 27 « Mé azot k’i ékout amoin, mi di azot : Èm zot bann zènmi, fé lo bien èk sak i détès azot, 28 béni sak i modi azot, pri pou sak i jur azot. 31 « An plis, sak zot i vé ké bann domoun i fé pou zot, fé parèy osi pou banna. 33 É si zot i fé lo bien rienk sak i fé azot lo bien, kèl valèr zot néna ? Mèm sak i fé péché, i fé parèy. 38 Pran labitud doné, é domoun va done azot. Banna va vid dan lo kré zot linj in bon kantité, ké lé bien damé, lé bien sokouyé é i débord. Parské sé avèk lo mézur ké zot i ansèrv pou mézuré ké banna va mézur pou zot. » 45 In bon moun i fé sort sak lé bon dann bon trézor son kèr, mé in moun mové i fé sort sak lé mové dann son mové trézor. Parské la bouch i di tout sak néna dan lo kèr. 46 « Alor poukosa zot i apèl amoin “Ségnèr ! Ségnèr !”, mé zot i fé pa sak mi di azot ? 47 Sak i vien ansanm moin, i antan mon bann parol é i mèt ali an pratik, ma di azot kom kisa li lé.